Shillong, Iaiong 01: Ha kane ka sngi la pynlong ruh ia ka jingjied ia ki nongialam jong ka Meghalaya Asha Workers Unions Union haba ia dei ki lai tylli ki post jong ka union kum ka kam President, General Secretary bad nongbat pisa.
Ha kane ka jingialang Da ki hajar ngut ki Asha ki ba hap ha ka shatri jong ka Meghalaya Asha Workers Unions na kylleng ki unit jong ka rikhasi jaintia bad Garo ki la wanpoi bad ki la pyndep ia ka jingjied ia ki nongialam ba thymmai jongki.
Ha kaba ha ka post President la jop da ka Kong Mira June Marsing ha ka post General Secretary la jop da ka Kong Badahunshisha Dkhar bad ha ka post Treasurer la jop da I Kong Fionaliza Tingbung
Ha ba ioh ban iakren bad ka Kong Mira June Marsing kaba la shah jied biang kum ka President ba thymmai ha kane ka sngi ka la pynpaw ba kumba ka la ialam ha ki snem ba la dep kan nang iai trei hi kumba ju trei haba ki dang ibit bad dang ailad biang ia ka ba kan long biang kum ka President.
ka la ong ruh ba na ka liang jong ka kan buh ha khmat eh ia ka kam. Kumba long mynta ki Asha ki ioh ka jingsiew ne ka tulop ba ki ioh ka long 2000 tyngka shi bnai bad ka shong dor 66 tyngka ha ka shisngi.
Ka la ong ba kane ka jingsiew ba ki ioh kam lah biang ia ki asha. Ka donkam ba ka sorkar kan pynkiew shuh shuh. Ka la ong ruh ba ka la don ka jingiakren na ka liang ki nongialam barim bad ki minster jong ka sorkar kaba rim.
Ha kaba ki ruh ki ong ba kin dang examine shuwa ia ka kam jong ki Asha bad hadien jong kata yn sa lah ban pynkiew bad katno kin lah ban pynkiew. Hynrei haba la dep examine bad leg ia ka ba donkam.
kane ka jingiakren ka ba khlem poi shaei shaei haduh mynta. Kumta na ka liang jong ka Kong Mira June Marsing ka la ong ba kumba ka la jop biang ha kane ka kynti. Kan sa dang iai pynkynmaw biang ia kane ka mat sha sorkar Meghalaya.
Shuh shuh ka la ong ba lada ka sorkar kan dang iai sngap shi sngap kumne ha ka ba ka jingsiew ka ba rit katba ka jingtreikam. Ki Asha ka dei kaba khia bad ymlah ban lait. na ka liang jong ki kim bynse ban bteng ia ka jingdawa ban pynkiew ia ka jingsiew.
Ka jingkwah ki Asha ia ka sorkar ba kan pynkiew kumba T.9000 tyngka ha ka shibnai ba kan kham iahap bad ka kam jongki bad ha kane ka juk kaba mynta. Ka Kong Mira June Marsing ka la ong shuh shuh ba lada ka sorkar kam Leh eiei ia kane ka jingkwah jong ki. Ka la ong. Ba kim bynse ban mih ha surok ban daw ia ka hok lane ban Sangeh trei kam shisyndon.
