Shillong, Jylliew 11: U bah Lasting Pala Waheh Shnong jong ka shnong Umkiang bad u bah Nicholas Lyngdoh Secretary kila dawa na ka National Highway Authority of India (NHAI) ba kim maramot ia ka surok NH-6 ha ki bynta jong ka shnong Umkiang kaba la jot rathai.
Na ka liang jong ki tei ki nongkit kam shnong ki ong ba ka dorbar shnong Umkiang ka pynpaw ia ka jingbynniaw halor ka jingsiew jong kane ka surok kaba iaid lyngba ka shnong Umkiang bad kane ka jingsniew kala buh ia ki paidbah nongshong shnong ha ka jingeh ha ka iaid ka ieng.
La ong ba ha ka por ba rang ka beng kala her sa tang u pump um bad kane ka ktah ia ka koit ka khiah jong ki nongshong shnong bad ha ka por slap dap sa tang da ka ktieh. Ka shnong Umkiang ka dawa na ka NHAI ba kan maramot noh ia kane ka surok NH-6 na ka bynta ka jingmyntoi ki paidbah.
Ha ka juh ka por na ka liang jong ka dorbar shnong ka dawa na ka kane ka kompnei shna surok jong ka sorkar pdeng ba kan pynkhuid ia ki ruh surok khang ba kan long kaba khuid ba suba ba kan wan rah ia ka jingitynnad ha ka shnong ka thaw, la ong u Bah Lasting Pala Waheh Shnong bad u bah Nicolas Lyngdoh Secretary shnong.
