Shillong, Nohprah 19: Kiba trei hapoh ka Public Health Engineering (PHE) hapoh ka shatri jong ka Mawphlang PHE Workers Union mynta ka sngi ki la wan sha khmat ha ka ban pynsngew ia ka jingeh kaba ki iakyndhuh halor ka jingbymlah ka sorkar ban pynlait noh ia ka tulop jong ki kaba dang sahteng naduh u bnai Risaw haduh mynta.
Ha ba kren sha ki lad pathai khubor na ka liang u president ka MPWU u bah Napoleon S Mawphniang u la ong ba na ka liang ka union ka kyntu ia ka sorkar ba ka dei ban pyllait noh ia ka tulop bad kumjuh ruh kiwei kiwei pat ki jingsiew.
Ki jingsiew kiba kum ki nongtrei jong ka tnad PHE kidei ban ioh, u la ong ruh ba ka jingmih jong ki shakhmat ban dawa ia ka tulop jong ki kadei namar ba na ka liang ki nongtrei muster roll kynthup ruh ia ki work charges jong ka PHE Mawphlang kila ia kynduh jingeh ha ka kum kine ki por bala dei ka aiom Khristmas.
U la ong ruh ba ha kaba iadei bad kane ka jingeh na ka liang ka union kala dep ban phah da ka jingthoh sha ki ophisar kiba dei khmih jong kane ka tnad bad kum juhruh sha u Myntri ka tnad PHE hynrei na ka liang kane ka Union kam shym la ioh kano kano ka jingkular ha ka ban pynlong ia kine ki nongtrei ka PHE ba kin wan shakhmat ban pynpaw lyngba ki lat pathai khubor.
U bah Mawphniang u la kyntu ruh ia ka sorkar ban kan pyllait ym tang ka tulop jong ki ka ba dei jong u bnai Risaw nad Naiwieng ka dei ruh ban pynlait ruh ia ka tulop ba dei jong u bnai Nohprah kum ka jingai boina Khriatmas ia ki nongtrei mynta snem.
