Shillong, Nailar 29: Mynta ka sngi ki nongtrei ka Meghalaya Energy Corporation Limited (MeECL) hapoh jong ka lama MeECL Progressive Workers Union kila sdang biang ia ka jingkhih jong da kaba deng lama iong naduh mynta ka sngi haduh ka 31 Nailar 2022.
Haba kren ha ki lat pathai khubor u bah A Dkhar la ong ba ki nongtrei kiba don ha ki jaka bapoher bapher jong ka MeECL kila ai ka jingshakri la bun bun snem ha baroh ki ophis kala dei ka por ba kin ioh ia kaei kaba ki dei ban ioh kaba dei ka hok ka jong ki dei na kane ka daw ki kyrpad ia ki bor pyniaid ban ia kren ki kwah ban ia pynbeit ia kane.
Kine kiba dawa ban ithuh noh ia ki kum ki nongtrei ba pura jong ka MeECL ki kyntup kumba 50 % na ki nongtrei ban peit ba ka jingsam light kan long kaba iaid beit ha baroh kawei ka jylla, kumba ka long ki ioh tang ha pdeng T.10000 bad T.15000 hynrei ha kane ka juk mynta ka long kaba eh ban pyniaid iaka iing ka sem.
Ha kato ka por kala don ka jingiakren ha kaba ka bor pyniaid kala ong ba dei ban long 15 snem kiba la trei hynrei na ka long jong ki nongtrei ki dawa ba dei ban long 10 snem, dei na kane ka daw ba kum ka seng ki nongtrei ka MeECL ki kwah ban wan ha pdeng ban ia pynbeit lem ia kane.
Ki sngewthuh ba ban shu ia leh kumne kan nym lah ban long hynrei de ban don ia kthong kumba kila ong ba dei ban long 12 snem bad kila ia kren ruh ia ki nongtrei bad u symbut myntri rangbah ka jylla, hynrei kaei kaba ki ia khih ka long ba ka jingtreikam ka long suki.
Kim kwah ban don kano kano ka jingialeh pyrshah hynrei kwah ba ki bor pyniaid kin khot ia kren halor kane bad kumba ka long ka bor pyniaid kila dep ban tyrwa, hynrei ban ioh pat ia ka jingithuh kum ki nongtrei ba pura leh se kan nym lah ban long ha ka juh ka por baroh 2000 ngut ki nongtrei hynrei kan don ka rukom.
Ki bor pyniaid kila thung ia ka kommittee ban peit ia kane ka jingeh, ha kato ka por la tyrwa ia ka khynun kito kiba la trei 15 snem yn ithuh noh kum ki nongtrei ba pura hynrei ha kato ka jingialang ka nongialam ka seng ki ong ba lada long ba kin ithuh noh ia kiba la trei shiphew snem.
Namar ba kato ka kommitte kaba la thaw ym shym la ai bor ia ka ban ai ia kano kano ka kular, hynrei haba iaid ka por kane ka khlem poi shano shano hyrei dei u bnai Rymphang 2022 ha kaba na ka liang jong ka CCORMAU kala ioh ban ia shong bad u Chief Managing Director ma mynta ban ia kren ia kane ka kam.
