Shillong, Naiwieng06: Ka Khasi Student Union (KSU) ha ka jingialang kaba la long ha ka 5tarik mynta u bnai ka la pynpaw ia ka jingsngew kyndit ban ioh ba la pyndam ia ki mark kiba la ioh da ki samla kiba ia khun ia ka eksamin kam hikai, kane ka jinglap jong ka CBI ka la pynkyndit namar laleh da ki bor ba halor jong kane ka tnad pule puthi.
Haba ia dei bad kane ka jingjia na ka liang jong ka KSU ka ong ba ka sorkar ka dei ban shim ia ka jingkit khlieh namar ha kane ka jylla ki don bun ki samla kiba khlem kam bad kane ka jingle ka wanrah ia ka jingduh mynsiem ha ki samla bad ka wanrah ia ka jingbym don shuh ia ka jingshaniah namar la leh don bor da ki nongmih khmat.
Kane ka jingjia ka la ktah ia ki jingmud jingpyrkhat jong kito ki samla kiba la leh bha ia ka ka eksam. Ka seng ka kyntu ia ka sorkar ba ka dei ban leh ia kano kano ka kam ha kaba shit ba shai ban thung kam lyngba jong ki DSC bad ka MPSC . Ka seng ka dawa ba ia ki samla kiba la pass ia ka eksamin jong ki ki dei ban ioh iala ka jong ka hok ka jong ki.
Ka seng ka dawa ba dei ban pynshitom ia ki ophisar kiba don kti ha kane ka kam khlem da don kano kano ka jingmap. Ka seng ka ai burom ia ki samla kiba la leit ban ujor sha iing bishar ha kaba la lah ban sei madan ia kane ka jingleh jong ki briew kiba don ha ka bor.(SP News)
