Shillong, Rymphang 19: Mynta ka sngi ka seng Confederation of Ri Bhoi People kala leit ban ai ia ka dorkhas sha u myntri khynnah ka sorkar pdeng u Parshottam Rupala ba dei peit ia ka rep ka riang ha ka jingwan jong u sha Umiam Ri Bhoi District mynta ka sngi.
Ha kane ka dorkhas na ka liang jong ka CORP kala dawa ba ia ka Agriculture College kaba don ha Kyrdemkulai dei ban pynkylla noh sha ka Central Agricultural University, meghalaya kumba la pynbna mynshuwa, namar kane ka jaka pule kaba don ha Meghalaya ka hap hapoh ka jingpeit jong ka Imphal Agriculture University.
Ha kane ka dorkhas na ka liang jong ka CORP kala pynsngew ruh sha u myntri khynnah ka sorkar pdeng ba dei peit ia ka rep ka riang ba ia ka rukom thungkam ha katei ka jaka pule jong ka sorkar pdeng ha kaba ka dei ban don ka jingmang kyrpang ia ki trai shnong kiba dei na kane ka jylla Meghalaya.
