Shillong, Jylliew 23: Mynta ka sngi u myntri rangbah ka jylla u Conrad K Sangma u la khot ia ka jngialang ban wat ia daw ba balei ka twa ka kynroh jong ka P.A Sangma Sport Komples haba la don ki engineer jong ka State Sports Council of Meghalaya.
Ha kane ka jingialang ka kompeni ba pyntrei ia kane ka jaka ialehkai ka, Hindustan Steelworks Construction Limited kala pynshai ba ia ka madan ialehkai kynjat ball la lah ban pyndep, hynrei ka jingtrei ia ka iing ban ialehkai hapoh iing kaba nyngkong bad kaba ar ka dang iaid sha khmat.
Namar ka daw jong ka jingjur palat jong u slap kala wan rah ia ka jinglangum ha baroh kawei ka madan ha kaba ki nala ki sah kut bad kane kala wanrah ia ka jinglang hapoh katei ka madan kane kala pynlong ia ka kynroh ba kan twa, ha kiwei ki bynta jong ka madan kam shym don kano kano ka jingthud.
Ka madan ialehkai kynjat Ball ka long kawei na ka bynta jong ka Stadium jong ka P.A. Sangma Sports Complex, kaba kynthup ia ka madan kynjat ball ia kaba la plie ha u Nohprah 2022, ki don ar tylli ki jingialehkai kaba dei hapoh iing, kawei ia ka jaka jngi, ban ialehkai Badminton , Table Tennis, Basketball bad ia kine dang shna mynta kaba yn pyndep ha u bnai Nohprah 2024.
Ban iada shipor ia kane ka jingtwa khyndew katba dang dei kane ka por slap la phah buh da ki maw bad la boh daki jar nar, nalor kata la shim ruh ia kiwei kiwei ki lat jingiada, ha dien ba la sagneh ka jingslap yn sa sdang ban shna bha biang ia ka kynroh ka ban neh, yn ialeh katba lah ban ioh biang ban shah ia ki jingialehkai kynjat ball ha katei ka jaka.
