Shillong, Jylliew 07: Mynta ka sngi ka tnad Social Welfare ryngkat ka jingiatreilang bad ka tnad pulit jong ka sorkar Meghalaya, ki MLA, ki MDC bad ki bor pyniaid ia ki District Administration jong ka East Khasi Hills District ryngakat ki rangbah shnong ka sor Shillong kila pynlong ia ka jingiamir jingmut kumno ban ia leh pyrshah ia kane ka kam khaii drok bad ban pynim biang ia ki Village Defence Party.
Haba kren ha kane ka jingialang u myntri ba dei peit ia ka tnad Social Welfare la kyntu ia baroh ban ia treilang ha kane k jingiakhun pyrshah ia u drok, bad u la ban jur ba don kam ban pynimbiang bad ban ai ka jingithuh ia ki Village Defence Party ha ki shnong ki thaw.
Ha ka juh ka por u myntri la kyntu ia ki paidbah ba kim dei ban ngop ha ka jingsngew syier kumba la paw ha ki Social Media, hynrei dei ban pynleit jingmut ban long ki nongrah ktien ia ka jingkylla ha ka imlang sah lang, khot wer ia baroh ban pynlong ka jaka kaba shngian ia ka lawei jong ki khynnah bad ia khun samla,namar dei kine kiba ngot ha kine ki jingsniew.
Ha kane ka sngi u bah Vivek Syiem ba dei Speical Superintendent ki pulit jong ka tnad syntiat , la batai bniah ia ka bynta jong ki VDP ha ka jingiakhun pyrshah ia u drok, katba ka Dr. Bethabra Decruse, Project Director Meghalaya AIDS Control society ha ka jingkren ka jong ka ba kumno ban ia leh ha kaba ia dei bad kito kiba dih drok da kaba shu injek.
Ka jingthmu jong ka Drug Reduction Elimination & Action Mission (DREAM) kaba la plie paidbah ha u snem 2023 ka long ban wat ia ki lat ki lynti ba kumno ban pynlong ia ka jylla kaba lait na u drok, da kaba pyndon kam ia baroh ki buid ban pynduh jait ia kane ka jingdih ba sniew na ka jylla.
Ha kane ka sngila don lang ruh u Shakil P. Ahammed, Additional Chief Secretary, u Sampath Kumar, Principal Secretary, Social Welfare Department, u Bah I. W. Ingty, Secretary, Social Welfare Department, jong ka sorkar Meghalaya ka kong Idashisha Nongrang, Director General ki Police ka jylla Meghalaya bad kiwei kiwei ki nongkit kam shnong.
