Shillong, Nailar 23: Ki shipai BSF kila kem ar ngut ki briew kiba dei na kane ka jylla Meghalaya kiba la pynrung tuh ia ki saw ngut ki khar Bangladesh ha East Jaintia Hills District ha khappud.
Kine kiba la thmu ban pynrung tuh na Bangladesh sha India, wei shynrang bad lai ngut ki kynthei bad la kem ar ngut ki nong India kiba dei na Meghalaya kiba la ialeh ban pynrung ia ki khar Bangladesh.
Na ka liang jong ki shipai BSF kila pyrkhing ba ha khappud ban pynthikna ba kan nym don ka jingiakhaii beain ha khapud bad ka Bangladesh, ki BSF ruh kila shim bun ki lat ki lynti ban ia khun pyrshah ia ki nongkhaii beain ha khappud.
Ki BSF kila pyrkhing bha ia ka jingiarung ia mih ki briew ha khappud ban pynthikna ba ki khar Bangladesh kimd ei ban ioh rung sha India, lyngba ka Meghalaya, ki BSF ha dien ba kila pynde ia ki jingdon kam katkum ka ain kila aiti noh sha ki pulit ka jylla ban leh ia kaba don kam.
