Shillong, Nailar 16: Mynta ka sngi ka Meghalaya Medical Service Association (MMSA) kala pynlong ia ka jingdeng lama iing ha ki jaka trei ki jong ki ban pynrem jur ia ki riew runar kiba la leh beijot bad pyniap ia ka doktor ha Kolkatta.
Ka MMSA ka pynpaw ia ka jingsgewkhia halor kane ka jingjia kaba la jia ha Kolkatta ha kaba kawei ka doktor kala shah leh beijot bad shah pyniap ha ki riew sniew, kum ka jingialang kawei bad ka All-India Federation of Government Doctors Association (AIFGDA), ki dkhot ka MMSA kila pynlong ia ka jingdieng lama iiong ha ki jaka trei mynta ka sngi.
Na ka liang jong ka MMSA kila pynpaw ba kane ka jingdeng lama iiong ka kren shai ba ki long kawei badki wei ki para doktor ha ka ri India baroh kawei ha kaba kila dawa ba dei ban kem mardor ia ki nongleh kam sniew bad pynshitom katkum ka ain.
Ka MMSA kala ong ba ka jingshngian jong ki nongtrei ka tnad ka koit ka khiah ka long kaba ha khamt eh kaba ki hap ban ioh, ka MMSA ka dawa ba ki bor jong ka ain ki dei ban leh ei ei ban pynshitom ia kiba don kti ha kane ka kam sniew bad ban pynioh ia ka jingsngew shngian ia baroh ki doktor.
