Shillong, Nohprah 02: U bah Paul Lyngdoh myntri ba dei peit ia ka tnad shangsuwari la ong ba ka sorkar ka don ka jingthmu ban pyniaid da ki Helikopter ban kit ia ki nongwan jngohkai pyrthei sha ka jylla Meghalaya.
Ka jingthmu kaba ka sorkar kala pynkhreh mynta ka long ka jingpyniaid ia ki Helikopter kan long na kad liengsuin Guwahati sha kad lieng suin ha Umroi, Umiam, sha Sohra, sha Dawki bad sha New Shillong. Katba sha Mawsynram namar ban buh ia ka “Rain Museum” ka sorkar kan ialeh ban pynbha ia ka surok.
U myntri u la iathuh ba mynta u snem 2024 ka jingwan ki nongwanshang kai ka jylla kala kot sha ka 15 lak ngut, kyntup ia kiba na na la ka jong ka ri bad kiba na shabar jong ka ri ruh kum juh.
La ong ba kala don ka jingkhien ba ha u snem 2025 ka jylla Meghalaya kan long kawei na ki jylla kiba ki paidbah kin wan ban jngohkai bad katta ka dei ka dak ba ki shong shangshuwari ha kane ka jylla kala dang kiew.
La ong ba ka jylla ka dang don kam shibun ki jaka sah ia ki nongwan jngohkai pyrthei, ha ki kyrdan bapher bapher dei na kane ka daw ba ka jylla Meghalaya kala ioh haduh T.199 klur ban pynbha ia ki jaka jngohkai pyrthei.
