Shillong, Lber 21: U myntri ka tnad sam um bam um dih ka jylla u Marcuise N. Marak u la ia shim bynta ha ka jingpynlong ka tnad pynneh pynsah ia ka khyndew ka um ka wah kaba la pynlong mynta ka sngi ha Raja Apal UP School Playground, North Garo Hills ha ka sngi ba ar ia ka jingpynshai paidbah ia ka Pradhan Mantri Krishi Sinchayee Yojana (PMKSY).
U myntri u la ong ba kane ka jinghikai ka long ban pynsngew ia ka jingdon kam ban pynneh pynsah ia ki tyllong um, ban kyntiew ia ka rep ka riang, ban kyntiew ia ka ioh ka kot ha ki nongrep ha ka jylla. U myntri u la ong ba ka long kaei kaei kaba don kam ban pynneh pynsah ia ki um kiwah bad la pyntip ruh ia ki lad jingiada kiba ka sorkar kala shim bad don kam ban pynkhreh ia ka plan ban pynneh pynsah ia ki tyllong.
Ban leh ia kane ban pynneh pynsah ia ki um ki wah don kam ia ka jingiatreilang da baroh namar kane ka long ban iada bad ban kyntiew ia ka ioh ka kot jong ki paidbah nongshong shnong.
U Dr. Joram Beda, Commissioner bad Secretary ka tnad Soil bad Water Conservation Department, u la pynshai bniah ia ka jingdon kam bad ia ka jingtrei kam jong kane ka jingypnneh pynsah ia ki tyllong um bad kane kan iarap ban pynioh ia kio tyllong um kiba khuid, kane ka jingtyrkhong ki tyllong umd ei na ka rep sherti khamtam ha ki lum Garo Hills.
Kane ka Pradhan Mantri Krishi Sinchayee Yojana – Watershed Development Component 2.0 (PMKSY-WDC 2.0) ka treikam bha namar ka don ka jingiadei bad ki nongrep bad kawei ka skhim ban pynneh ia ki tyllong um hap ban pynmyntoi ia ki 1000 ngut ki nongrep bad nan don ka jingiatrei lang bad ki 1,188 tylli ki seng treilang bad haduh mynta la lah ban shna haduh 2,078 tylli ki nam um.
Ia mynta la ioh jingkheinba ki don hapdeng 30-40% ki tyllong kiba don ha ka jingma, ia mynta ki don 1,200 tylli ki kynhun kiba ia treilan ha kaba ki don kam ia ka bai seng T.50,000/- tyngka ban kyntiew ia ka ioh ka kot ka jong ki.
Ha kane ka sngi nalor u myntri sorkar kiwei kiba ia don lang ki long u Timothy Shira, Deputy Speaker; Rupert Momin, MLA ka 57th Kharkutta; u Marthon J. Sangma, MLA of 38th Mendipathar; bad u Ponseng Marak, MLA ka Banjengdoba bad ki heh sorkar kila don lang ha kane ka sngi.
