Shillong, Nailur 20: U Myntri rangbah ka jylla u Conrad K Sangma haba jubab ia ka jingkylli jong u bah Nujorki Syngoh la ka sorkar jylla ka don ne em ia ka jignthmu ban pynduh noh ia ka “Personal Interview ha ki kam Grade IV, laong ba ka sorkar ka dang bishar bniah.
Hab jubab ia ka jingkylli bynrap u myntri rangbah ka jylla u la iathuh hapoh ka iing dorbr ba ka sorkar jylla kala ioh ia ka jingthoh na ka sorkar pdeng halor kane bad dei h u snem 2017 ba ka sorkar jylla kala jubab sha ka sorkar pdeng ba ka sorkar Meghalaya kan nym pynduh ia ka Personal Interview ha ki kam Grade IV.
U Myntri Rangbah u la pynshai hapoh ka iing dorbar ba balei ka sorkar ka dang bishar bniah namar ka kwah ban peit ba baroh ki liang ba lada dei ban pynduh ruh hap ban pei bha ba kan nym ktah iano iano haba ki shim ia ka rai bad ka sorkar ka dang peit bniah ia kane.
La ong ba ha ki kyrdan Grade IV kaba dei tang na ka bynta jong ki klass VI shaneng kiba la pass Degree ruh ki apply ioh leh se kan poi ka por ba kiba la pass Master ne Ph.D ruh kin apply dei halor kane ba ki sa dang bishar bniah ia kane ka kam.
Na ka bynta kine ki kam Grade-IV ka jingai mark ka long 50% na kaba ki thoh ia ka elsamin bad 50% na ka Personal Interview, la pynshai u myntri rangbah ka jylla hapoh ka iing dorkar.
