Shillong, Iaiong 22: Ka kynhun ki seng bahlang ha poh kalam jong ka Coordination Committee Meghalaya Social Orgnisation CoMSO la shai ka sngi kan sdang ia ka jingiakhih ha baroh kawei ka jylla ban dawa na ka sorkar ban pyntrei kam noh ia ka Inner Line Permit (ILP) da kaba teh lama iiong.
Kane ka jingiakhih da kaba teh lama iong kan long ha baroh ki nongbah jong ki District ha kane ka jylla Meghalaya, ha nongbah Shillong kin sdang na Motphrah. Na ka liang jong ka CoMSO kala leh ia kane namar ba ka sorkar kam shym la shimkhia ban pyntrei kam ia ka ILP ha kane ka jylla.
Kane ka jingteh lama iong ka ban long la shai ka sngi ka long ban pynpaw pyrshah ia ka sorkar Meghalaya namar kam shym leh ei ei ban pyntrei kam ia ka ILP ha kane ka jylla Meghalaya. Na ka liang jong ka Coordination Committee Meghalaya Social Orgnisation kala shim ia kane ka sien jam ban dawa na ka sorkar ba ka dei ban pyntrei kam noh ia ka ILP ha kane ka jylla.
U Bah Robertjune Jahrin u wei na ki nongialam jong ka CoMSO u ba dei ruh u president jong ka HYC, la ong ba ka CoMSO kaba kyntup ia bun ki seng bhalang kin pynlong ia kane ka jingteh lama iong la shai ka sngi ban dawa na ka sorkar ba ka dei ban pyntrei kam ia ka ILP ha kane ka jylla Meghalaya.
