Shillong, Jylliew 04: Ka jingjop jong u Dr. Ricky Andrew J Syngkon jong ka party Vocie of the People Party (VOTPP) ha kane ka MP elekshon sha Lok Sabha, kala pynlong ba seng riewlum kila jopbiang ia ka 1-Shillong Parliamentary (ST) Konstiwensei ha dien 30 snem.
Ia ka 1-Shillong PC la jop nyngkong da ki kyrtong shimet, ha us nem 1957 la jop da u bah Hoover Hynniewta naduh u snem 1962 haduh u snem 1971 la jop da u bah George Gilbert Swell.
Ha u snem 1977 la jop da ka seng Hills State People Democratic Party (HSPDP) u bah Hopingstoe Lyngdoh ha u snem 1980 la jop da kytong ka All Hills People Leaders Confrence, ha u snem 1984 la jopbiang u bah George Gilbert Swell kum u kyrtong shimet.
Ha u snem 1989 bad 1991 la jop ar sien da ka seng Indian National Congress bah Peter G Marbaniang, ha u snem 1996 la jop biang da u bah George Gilbert Swell kum u kyrtong shimet.
Naduh u snem 1998 haduh 2019 la jop da ka seng Indian National Congress, naduh u snem 1988 haduh 2004 la jop da u bah PR Kyndiah bad naduh snem 2009 haduh 2019 lajop da u bah Vincent H Pala bad dei ha kane ka por ba ktei ki ar ngut kila ioh ba long myntri ha ka sorkar pdeng.
