New Delhi, Jylliew 11: U Amit Shah u la shimti biang ia ka tnat Kam Pohiing ha North Block, New Delhi mynta ka sngi. Ha ka post jong u ha ka ‘X’, u Amit Shah u la ong ba hapoh ka jingialam jong u Myntri Rangbah Duh, Narendra Modi, ka tnat Kam Pohiing kan bteng ban ieng skhem na ka bynta ka jingshngain jong ka ri bad ki briew jong ka, kumba ju long.
U Myntri ka tnat Kam Pohiing u la ong ba ka Modi 3.0 kan shim ia ki sienjam ban kyntiew ia ka jingshngain jong ka India bad tei ia ka Bharat kum ka bor pyrshah ia ki kam pyntriem, ki kam kaikhlaw bad ki kam naxal.
Ha kane kajuh ka sngi, u Myntri ka tnat Kam Pohiing, Amit Shah u la leit pynpaw ka jingsngewburom jong u ha ka National Police memorial ia ki pulit kiba la aiti ia la ka jingim ban iada ia ka burom jong ka ri bad kiba la pynneh shirta ia ka jingieid ri lyngba ki jinglenlade jong ki.
