Shillong, Nailar 02: U Myntri Rangbah ka jylla u Conrad K Sangma la iathuh ba ha ka jingialang jong ka kabinet mynta ka sngi kila pdiang ia ki kyndon trei kam jong ki nongtrei hapoh hapoh jong ka ka Meghalaya Public Service Commission (MPSC) kane ka ophis kala trei kam mynta la bun bun phew snem hynrei kam don ia ki kyndon trei kam ia ki nongtrei.
U Myntri rangbah la ong ba bun na ki tnad sorkar kim pat don ia ki kyndon trei kam ha ki ophis sorkar bad ka MPSC ka dei kawei na kita ka bym pat don iaki kyndon trei kam jong ki nongtrei hapoh katei ka ophis, hynrei mynta ka sngi ka kabinet kala pdiang ia ka kyndon trei kam.
Ka kabinet kala pdiang ruh ia ka jingpynkylla hapoh jong ka Meghalaya Medical Council Act 1987, kumba ia tip mynshuwa ka don ka Medical Council of India (MCI) hynrei ha ka MMC Act 1987 ka ktien MCI ka dang don hynrei mynta la wan rah da ka National Medical Commission (NMC) haka jaka MCI dei na kata ka daw hap ban pynkylla ia kane bad la wanrah ha ka dur jong ka ordinance.
U Myntri rangbah ka jylla u la ong ba kila don kiwei kiwei ruh ki jingiakren hynrei namar ba kim pat shim rai la phah biang ia ki sha kito kit and sorkar ban dang peit bniah biang, nka liang jong u myntri rangbah la ong ba namar ba ki khlem shim rai ym lah ban iathuh.
