New Delhi, Naiwieng 07: Ha India, ka telecom ka pyniasoh ia ki briew bad ka long kaba kongsan ruh ha ka jingkyntiew ia kito kiba sah ha ki jaka ba dang duna ka roi ka par. Ha kine ki shiphew snem ba la dep, ka ri ka la sakhi ia ka jingkiew ka jingiasoh lyngba ki lad digital.
Ka bai data ha India ka long kawei na kaba jemdor tam ha ka pyrthei bad ka India ka don palat 95.40 million ngut ki briew kiba pyndonkam ia ka internet, bad na kine, 398.35 ngut ki dei kiba sah ha ki jaka nongkyndong.
Ha kine ki shiphew snem ba la dep, ki broadband connection ki la kiewna ka 64 million sha ka 924 million. Kane ka jingpyniasoh kaba iarka la wanrah ia ka ioh ka kot digital kaba don ka bynta kaba 10% jong baroh ki kam ka ioh ka kot jong ngi mynta, bad la antad ba kane kan kiew sha ka shi pawa jong ka Gross Domestic Product (GDP) shuwa usnem 2026.
Ki jingai jingshakri ki bank, ka jingpynshisha KYC, ki jingsiew digital, ki jingpynshisha lyngba ki mobile ki la long u budlum jong ka jingkylla ka India ha ki kam digital, kiba plie lad ia ka jingai jingshakri Jan Dhan, Aadhaar, Mobile (JAM) ba kin seisoh bha. Ha u Risaw, ka India ka la don 126 tylli ki jingai jingsiew digital ha ka rynsan Aadhaar Enabled Payment.
Hynrei, kane ka jingkylla ha ki kam digital ka wanrah ruh ia ki jingeh khamtam ka jingiada ia ki briew na ki jingma kiba wan bad ka jingkiew shaphrang ha ki kam teknoloji.
Ki mar kiba wanrah ia ka jingsuk, ki mar ba ngi bat ha ki kti jong ngi ki la wanrah ruh ia ki jingma jong ki kam cyber beain kum ki jingphonethok, ki message thok, ki jingtyrwa tiar na ki kompani, ki jingthokphising, ki jingbei tyngka thok bad ki lad ban ioh shim ram.
Kawei ka jingeh ka long kaba kham kongsan, ki jingthok ‘Kem Digital’ ki dang roi bha mynta. Ka rukom treikam ka long ba ki nongthok ki leh mynleh ban dei ki ophisarsorkar bad ki pyntiengia ki briew bad dawa pisa na ki.
Ha ryngkat ka jingduhpisa, kine ki kam thok ki ktah ia ka kamaikajih, ka jingshaniahbad ki ktah bha ruh ia ka jingshngain ba ki briew ki donkam ban pyniasoh ialade ha ka ioh ka kot digital.
Hynrei, ki bor ba dei peit ki la trei mardor bad ki la pynduh ia ki mobile connection ba la shim da kaba thok bad ki iada ia palat T 2,400 klur lyngba 7.6 lak ki jingujor, kaba pyni ruh ia ka jingiada ia ki jingim bad ki jingthmu jong ki briew.
Katba ngi dang pynkhlain ia ki jingiada jong ngi ha ki kam digital, kane kan ym urlong khlem ka jingiatreilang jong ki briew. Ka jingkyntu kaba dang shen jong u Myntri Rangbah Duh, Narendra Modiia ki briew ha kaba u la ong “Ruko, SochoAur Action Lo” ka pyni ia ki jingma ba dang kham bun kiba don ha ka internet.
Kane ka jingkyntu ka dei namar ka jingkiew ki kam cyber beain bad ka dei ruh ka jingkyntu ban don ka imlang sahlang kaba peitngor bad kaba la pynkhreh lypa ialade. Ha ka prokram Mann ki Baat ba dang shu dep, u Myntri Rangbah Duh u la ban jur halor ka jingdonkam ban ai jingtip shaphang ki kam ba ym shaniah lyngba ka helpline 1930 bad ka rynsan cybercrime.gov.in.
Ka jingban jur halor ka jingiashim bynta ki paidbah ka long kaba donkam bha ban ialeh pyrshah ia ki nongthok kiba pyndonkam ia ka internet.
Hynrei katba ki nongthok kiba pyndonkam ia ka internet ki dang pynkylla ia ki rukom treikam jong ki, ki la sdang pyndonkam ia ka jingphone na kiwei kiwei ki ri lyngba ki number kiba i kumba ki dei na India (+91-xxxxxxxxxx). Kane ka jingpynkylla ia ka calling line identity (CLI) ka plie lad ia ki ba kin leh kumba dei ki jingphonenapoh ka ri bad kane ka kham pynsuk ia ki ba kin thok ia ki briew.
Ka tnad telecommunications ka la leh ia kaba donkam da kaba sdang ia ka International Incoming Spoofed Calls Prevention System. Kane ka la khang lad bha ia kine ki nongthok ha kaba ka la block 86% ki jingphonethok— kaba long kumba 1.35 klur tylli ha ka shi sngi.
Ka bynta kaba kongsan jong ka jingthmu jong ngi ban don ka India kaba shngain ha ki kam digital ka long ka jingpynkupbor ia ki briew jong ka ri ha ki kam digital.
Ka rynsan Sanchar Saathika dei ka dak jong kane ka kam kaba don ki atiar kum ka Chakshukaba plie lad ia ki briew ba kin ai jingtip shaphang ki message, ki jingphone, ki kam whatsapp bym shaniah.
Da kaba pyndonkam ia ka bor jong ka Artificial Intelligence, ka tnad ka la lap bad pynsangeh palat 2.29 lak tylli ki mobile, ka la pynsangeh ia 71,000 ngut ki nongdie bad la buh jingujor pyrshah 1,900 ngut ki riewsniew lyngba ki Telecom Service Provider (TSP).
Namar ka jingdon ki briew jong ka ri kiba dang samla bad kiba sngewthuh bha ia ka teknoloji, ngi la ai bynta ruh ia ki khynnah pule ha ka kam. Ki samla ba dang pule ha ki kolej ha kylleng ka India ki la wan shakhmat kum ki nongtrei mon sngewbha Sanchar Mitra, ha kaba ki ai jingtip ia ka imlang sahlang shaphang ka jingshngain ha ki kam digital lyngba ka rynsan Sanchar Saathi.
Kine ki samla ki iarap ia ki briew ba kin pyndonkam ia ki atiar kiba don ban iada na ki kam thok lyngba ka telecom. Naduh ba la sdang ia kane ka kam ha u Jymmang 2023, ka rynsan Sanchar Saathi ka la jam shaphrang, ha kaba la don 7.7 klur ki briew kiba la pyndonkam ia ka, kaba long kumba ar lak ki nongpyndonkam ha ka shi sngi.
Kane ka rynsan ka la don ruh ka bynta kaba heh ban wad ia 12.59 lak tylli ki mobile ba la jah. Ka la long ka atiar kaba khlainia ki briew kiba ieng skhem na ka bynta ka jingiada ia ki kam digital, kaba la pynkhlain ia ka jingsngewthuh ba ka jingiada ha ki kam cyber ka dei ka jingbahkhlieh jong baroh.
Khnang ban ialeh pyrshah ia ki jingphonethok, ki SMS bym donkam bad ki jingtyrwatiar da ki kompani, ka Telecom Regulatory Authority of India (TRAI) ka la pyntreikam ia ki sienjam ban iada ia ki briew. Ka jingpynkheinia ki kyndon ka wanrah ia ki jingdainkuna, kaba pyni ia ka jinglehtyngeh pyrshah ia ka jingpynkhein ia ka jingshngain ha ki kam digital.
Haduh mynta, ka TRAI ka la pynsangeh 800 tylli ki kynhun bad ki briew shimet kiba ju phone ban ai jingtyrwa, bad la pynsangeh palat 1.8 million tylli ki nombar. Kane ka treikam ruh ia ki SMS thok, ha kaba 350,000 tylli ki message bad 1.2 million tylli ki content template ki dei kiba la shah pynsangeh.
Ka bynta kaba kongsan jong ka jingiada ha ki kam digital jong ngi ka dei ka Digital Intelligence Platform (DIP), kaba pyniasoh ia 520 tylli ki kynhun kiba iadei bad kane ka kam, ba kynthup ia ki 460 tylli ki bank bad ki kynhun kiba iadei bad ka jingpyntreikam ia ka ain. Kane ka jingiatreilang ka plie lad ia ka jingai jingtip mardor bad ka jingshim ia ki sienjam pyrshah ia ki jingma ha ki kam cyber.
Ha kane ka juk digital ba sted ka jingkylla, ka jingpeit bniah ia ka jingshngain ha ki kam cyber ka dei ka jingiada bad ka long ruh kaba kongsan ban iada ia ka lawei digital jong ka ri. Lyngba ki jingdon jingem kiba khlain ha ki kam digital, ki samla kiba sngewthuhbha ia ki kam teknikal bad ki rukom treikam kiba khlain, ka India ka la kyntiew ialade sha ka nongialam ha ki kam digital.
Katba ngi dang iaid ha kane ka lynti kaba bun ki bynta, ka jingieng skhem jong ngi ban pynbha shuh shuh bad pynkylla ia ki rukom treikam ka long kaba skhem.
Da kaba sngap ia ki jingkyntu jong u Myntri Rangbah Duh, ngi lah ban tei ia ka India kaba shngain ha ki kam digital – ha kaba baroh ki briew jong ka ri ki ioh jingiada, ki ioh ia ka jingpynkupbor bad ki long kiba khreh ban kiewshaphrang ha kane ka juk digital.
