Shillong, Jylliew 23: Mynta ka miet kala don ka jingiatyngkhuh kali ha pdeng jingkieng Dwar Ksuid ha kaba ki draibar jong kine ki trok kila mynsaw bad la pynkit ia ki sha jaka ai jingsumar da ki pulit jong ka Khapmara kiba don ha katei ka jaka.
Katkum ki khubor kiba la ioh la ong ba da kane ka jingia tyngkhuh kine ki trok ha pdeng jingkieng Dwar Ksuid ha Ri Bhoi District kala wanrah ia ka jingsah kut kali kaba jur bha ha katei ka surok bah jong ka Shillong Bye Pass.
Ki pulit kiba la poi sha katei ka jaka kila pyniaid ia ki kali rit na ka jingkieng nar kaba don ha syndah kaba khlem pyndon kam shuh ban iaid ki kali heh, ki trok kiba iaid kila sah kut lut na ka liang jong ki pulit ki dang wat lat kumno ban pynkynriah ia kine ki trok na katei ka jaka khang ban lait ki trok ban iaid.
