Shillong, Rymphang 28: Hadien ba ki MDC jong ka Voice of the People Party kala shimti ia u lakam synshar ha Khasi Hills Autonomous District Council mynta ka sngi ka 28 tarik u Rymphang kila pynbna ba ha ka 26 tarik u Lber kin pynlong noh ia ka dorbar mang tyngka jong ka council.
U Chairman ba thymmai ka Khasi Hills Autonomous District Council u Bah Strong Pillar Kharjana uba dei u MDC ka Mawkhar Pynthorumkhrah u la pynbna u la pynbna paidbah hapoh iing dorbar.
Halor ka jingpynbna jong u Chairman, ki dkhot jong ka iing dorbar da kawei ka sur kila pdiang ia kane ka jingpynbna u Chairman ban pynlong ia ka Dorbar Mang Tyngka ha ka 26 tarik u bnai Lber mynta u snem 2025.
Shuh shuh u Bah Strong Kharjana u la pyntip sha baroh ki dkhot jong ka iing dorbar ba kito kiba kwah ban ia shim bynta kidei ban pynpoi noh ia ki kot ki sla ne ki jingthoh hapoh ka 10 tarik u bnai Lber mynta u snem 2025.
