Guwahati, Iaiong 06: Ha ka jingialang jong ka Azadi ka AmritMahotsav, la pynbeit ban pynlong iaa jingpyninam kaba ar sngi halor ka National Calendar of India ha ka 22-23 tarik Iaiong, 2022 (Vaisakh 2 & 3, 1944) ha Ujjain bad Dongla, Madhya Pradesh ka jaka kaba hap hapoh ka thain Tropic of Cancer.
Ka Ministry Culture, Department of Science and Technology, Ministry of Earth Sciences, Council of Scientific and Industrial Research, Madhya Pradesh Council of Science and Technology bad kiwei kiwei ki kynhun ba iadei bad ka science kum ka IUCAA, IIA, Vikram University Ujjain, IIT Indore, bad kiwei kiwei., bad ki kynhun bapher bapherkum ka VijnanaBharati, RashtriyaDindarshikaPracharManch, ki la pynlong ia ka conference.
Ban kyntiew ia ka jingialang la pynlong kawei na kiba bun ki prokram plie pyrda mynta ka sngi ha Indian Institute of Technology, Guwahati, Assam. U Keshab Mahanta, Myntri ka tnat ka koit ka khiah bad Science & Technology, Information & Technology, sorkar Assam u la long u kongsan ha kane ka jingialang.
La ioh ki jingkren pliepyrda na u Jayant Sahasrabudhe, National Organising Secretary, Vijnana Bharati, u Prof. T.G. Sitharam, Director IIT Guwahati u la pyniaid ia ka jingialang. U Dr. Arup Kumar Misra, Chairman, Pollution Control Board, Assam bad Dr.Asish Kumar Mukharjee, Director, Institute of Advanced Study in Science and Technology, Guwahati ki la long ki symbud kongsan ha kane ka jingialang.
U Dr. Arvind C. Ranade, Scientist ‘F’, VigyanPrasar; u Rahul Ausekar, Rashtriya Dindarshika Prasar Manch, Aurangabad, Maharashtra; Dr.Parimal Chandra Bhattacharjee, President, North East Science Movement, Assam (VIBHA Chapter); Dr. U.S. Dixit, CIKS, Indian Institute of Technology, Guwahati ki la iadonlang ha kane ka jingialang pliepyrda.
Ka ‘Indian National Calendar’ ka dei ka rukom batai ki stad science shaphang ka jinglong jingman jong ka India bad la pdiang ia kane katkum ki kyndon ka Riti Synshar da ka iing dorbar thaw ain Parliament ha u snem 1957. Kane ka pawshai ia ka jingkhyllie biang ia ka jinglong tynrai hadien ba la ioh ia ka jinglaitluid. Hynrei ki briew kim shym la peit thuh ia kane.
Ki briew ki lah ruh ban pynrung kyrteng online ban iashim bynta ha kane ka prokram, ha ka website http://bharatcalendar.in.Ki nongiashim bynta kiba shah jied kin ioh lad ban iadonlang ha ka conference ha Ujjain.Ka Expo ba iadei bad kane, ki jingai jinghikai, ki jingialang iamir jingmut kin dei shi bynta jong kane ka conference.
