Shillong, Naitung 13: Ha ka jingialang jong ki Superintendent ki Pulit jong ka jylla mynta ka sngi kaba la long ha ophis jong ha ki Pulit kala shim ia ka rai ban pynioh kali thymmai haki 76 tylli ki police station ha ka jylla.
Ha kane ka sngi la ia kren ruh kumno ban pynthymmai bad ban maramot ia ki jaka sah jong ki pulit ha kylleng ki bynta jong ka jylla la sdang ban pyntrei kam mynta kumba ka sorkar kala dep ban pynkhreh.
Ha kane ka jingialang la ia kren ruh ba namar ki police station ki dei ki jaka kiba nyngkong kaba ki paid bah kin ia kynduh nalor ba ki peit ia ki kam ban pynneh pynsah ia ka shong suk shongsain ki dei ki jaka ruh ba ki paidbah ki lah ban ia kynduh ha ki jingdon kam ba kyrkieh.
U Myntri Rangbah ka jylla u la ong ba kane ka jingiakynduh ka long kaba don kam haduh katta katta namar ki District bad ka jylla kila dang iaid shakhmat, hynrei ki dang don shibun ki jingeh ha ki katto katne ki District, kane ka jingiakynduh ka long ban ioh ia kren bad ban ia ai jingmut ruh kumjuh.
Haba ia dei bad ki Police Station yn pynkhlain shuh ia ka jingpyntrei kam ia ki kor komputor, yn buh ia ki kali khwai, ki kali Ambulance ban peit ia ka jingdheng kali ha East Khasi Hill bad yn thied shuh sa 60 tylli ki Bike ban kham sted ka jingpyntrei kam.
Ha kane ka jingialang la rai ban shna ia ki jaka sah jong ki pulit bad ka jingshna ia ki kan long la ka pali pali bad na ka liang jong ka sorkar kan buh noh ruh ia ka “Chief Minister’s Police Medal” bad ia ka “Chief Minister’s Disaster Response recognition medals” ban ai mynsien ia ki bad kum juh ia ki nongtrei sorkar.
