Shillong, Naitung 14: Ha ka jingiakhun pyrshah ia ki kam khaii drok ka kynhun pulit ba kyrpang jong ka South West Garo Hills District kila ioh ban kem lai ngut ki nongkhaii drok ha Borkona kba hap hapoh jong ka Ampati Police Station bad kurup haduh 11,000 tylli ki kuli Methamphetamine Yaba.
Kine kiba la shah kem ha ki pulit ki long u Mostafa Sheik, 24 snem, u . Meter Ali, 32 snem bad u Nur Abdin, 24 snem, kine baroh kid ei na ka jylla Assam, na kine ki pulit kila ioh ban kurup 11,000 Methamphetamine tablets (Yaba) ha kaba ka jingkhia kal long 1.06 kilograms, la ioh kurup lai tylli ki mobile phone, ar tylli ki bike.
Ki pulit kila register ia ka ejahar hapoh Ampati Police Station katkum ka kyndon ain jng ka Narcotic Drugs and Psychotropic Substances (NDPS) Act, kane ka jingtohit kala dang iaid ban lap shuh ia kiba don kti ha kane ka kam bad la kyntu ia ki paidbah ban ia treilang ban ia khun pyrshah ia kine ki jingsniew.
Ha ka juh ka por na ka liang jong ki pulit kila kyntu ia ki paidbah ba lada don kano kano ka jingtip ba ki don ki nongkhaii beain kim sngewbha pyntip sha ki pulit ban lah ban pynduh ia kane ka jingkhaii beain kaba sniew.
