Shillong, Kyllalyngkot 26: Ka Ri India kan rakhe ia ka Republic Day kaba 75th bad ha kum kane ka sngi la juh pynkup burom ia ki briew kiba don ha ka kam shipai, pulit, bad kiwei kiwei ki kam kiba don jingiadei bad kane ka kam.
Mynta u snem 2024 ka jylla Meghalaya ka don saw ngut ki briew kiba la shah jied ban ioh ia ki medal, lai ngut na ka tnad pulit bad 1 na ka tnad Home Guard, ia ka kyrteng jong ki la pynbna mynta ka sngi.
Ki lai ngut ki pulit ki la shah pynkup burom da ka “Medal for Meritorious Service” ia kaba la tip kum ka “Police Service” kiba ioh ki long u bah Vivek Syiem ba dei Superintendent ki Pulit jong ka nongbah Shillong, u John M Sangma ha ka kyrdan Inspector bad u Teibor Sumer ha ka kyrdan Hvildar.
Na ka tnad Home Guard kiba la shah jied ban ioh ia ka medal ka dei ka kong Aniosca Basaiawmoit kaba dei ka nonghikai kaba la rangbah ha ka Central Training Institute of Civil Defence and Home Guards, Meghalaya kaba don ha Mawdiangdiang kane ka long ka sien kaba nyngkong na ka ban ioh ia kane ka khusnam.
