Shillong, Jymmang 01: U National President ka party NPP u Conrad K Sangma ba dei ruh u myntri rangbah ka jylla mynta ka sngi u la leit ban ilap elekshon ia u kyrtong ka party u bah Samlin Malngniang ha shnong Krang.
Haba kren ha kane ka jingialang pidbah, wat la u khlem jer kyrteng ia kano kano ka party, u ong “ Ha ka sain pyrthei ha India, Ki Khasi ne Garo kim juhbiah ha ka pliang bam” kane ka jingkynthoh ka long ha dien ki prty kiba ia trei lang ha ka sorkar ki kynthoh pyrshah.
Ha kane ka jingialang paidbah u mytnri rangbah ka jylla la ong ba ka sorkar NPP kala trei n ka bynta ki paidbah ha kiba bun ki kampynroi, u la kren ia ka kam tih dewiong, Ki karkhana, ki jingtei ha kikam pynroi, ka pule puthi, ka Koit ka khiah, hynrei ki dang shah kynnoh kane ka kren shai ka jinglong ar sap kiba ia treilang.
Haba ia dei bad kam tih dewiong, ka sorkar naduh u snem 2019 kala trei shitomb ad mynta ka sorkar jylla bad ka sorkar pdeng kila ia trei lang ha kaba ka sorkar pdeng kala ai jingbit ban tih dewiong ia kito kiba la ioh ia ka laisien, mynta kiba la ioh saw tylli bad kine hapoh ka 60 sngi yn sa lah ban pynbiang ia ki kot ki sla ban ioh tih dewiong.
Ha kane ka sngi u Conrad u la kren ruh ia ka jingshna ia ka surom Western Bypass kaba la kot kumba T.800 klur tyngka, ia kane ka skhim la sdang ba ka party NPP, 80 % kane ka surok ka hap hpoh jong ka Sohiong Konstitwensi, la ong ba ynda la dep kane ka surok kan wanrah ia ka jingkylla ha katei ka thain.
Haba ia dei bad ka jingdawa ban pynkhlain shuh ia ki jaka jingpule bad ki jaka ai jingsumar u myntri rangbah ka jylla u la ai ka jingkular ba ka sorkar kan sa pyniaid sha khmat ia kaei kaba ki paidbah ki dawa kum ba ki don kam, kane ka dei ka thong kaba ka sorkar ka don ha khmat ban kyntiew ia ka pule puthi bad ban pynbiang ia ki jaka ai jingsumar.
Ka jingiatreilang ka NPP bad kiwei ka long ba kum ka party ka ngeit ha ka jingiatreilang bad dei na kane ka daw ym juh kynthoh ia kiwei pat kiba ia treilang, hynrei ka pynmong ban ioh sngew ia ka jingkren ba ki briew ki ialeh politic ia kaei ka ban nym wanrah ia ka jingbha sha ki paidbah ha ka jylla.
U Conrad u la kyntu ia ki paidbah ba kin ai ka jingkyrshan ia u kyrtong ka party kaba ialam ia ka sorkar, u la kyntu ia ki paidbah ba kim dei ban sngap ia kiwei, u la kyrpad ba kin ai ka jingkyrshan ia u kyrtong ka party ba don ha ka sorkar na ka bytna ka roi ka par jong ka konstitwensi baroh kawei.
Ha kane ka sngi kila don shibun ki nongialam ka party, u kyrtong ka party bad ki nongkyrshan kiba la ia wan ban sngap ia kane ka jingialap elekshon u myntri rangbah ka jylla da ki hajar ngut.
