Shillong, Nailar 22: Ka Shillong Chamber Choir ha dien ba la jop ia ka India’s Got Talent ha u snem 2010, kala shah jied ban leit rwai ha kylleng ki bynta jong ka pyrthei bad ym tang ba ki shah khot hynrei man ba ki leit ban rwai ki da pynshohbiej ia ki nongwan sngap.
U nongseng ia ka ia ka SCC u Bah Neil Nongynrih, nalor ba u hikai ia ka rai nongwei, u la buh ruh ia ka jaka ai jinghikai rai ia ki khynnah ia kaba la tip kum ka Shillong Chamber School ha Whispering Pines, Pohkseh ia kaba la hikai ia ki khynnah ka rukom rwai.
Nalor kane ka jinghikai, ha kane ka kynti u la hikai ruh sa ia ki jingrwai Hindi ha kaba u la shim ia ki khynnah bad ia ki jingrwai kiba la hikai mynta un sa pyni ha ka Telibishon Star Plus ia kaba un sa pyni paidbah naduh ka por 8.30 baje mynmiet naduh sngi nyngkong haduh haduh ka sngi thohdieng.
Ki nongrwai ki ban sa rwai ha kane ka jingpyni hapoh ka telibishon ki kynthup ia u hep Mangkyrpang Kharshiing 9 snem ka rta, ka hep rit Ishaya Lyndem 9 snem ka rta, u hep rit Pynwan Lyngdoh 8 snem ka rta bad ka hep rit Ariya Lyndem 7 snem ka rta. Kine kin rwai ia ka jingrwai kaba la ai kyrteng kum ka Jashn-e-Hindustan kaba ia dei bad ka jingrakhe ia ka sngi Laitluid jong ka Ri ia kaba yn sa pyni paidbah mynta ka sngi ha ka por 8.30 ha ka telibishon Star Plus.
