Shillong, Naiwieng 18: Ka Meghalaya chess Association shen kansa ioh ban pynlong ia ka ‘International Open Grandmaster’ ha ka sien kaba nyngkong ha nongbah Shillong ban pynlong ia kane ka jingialehkai ha kane ka kyrdan ka ban sdang ha ka 12 Nohprah 2023 hapoh ka SAI indoor stadium ka ba ha NEHU.
Ha kane ka lympung yn wan ban ia shim bynta da ki Grandmaster ki bana kylleng ki ri ki ba kynthup na duh ka ri Bangladesh, Srilanka, Zambia, Uzbekistand, Egypt, Thailand bad USA.
La iathuhruh ba bun na ki nongiashim bynta ki dei ruh napoh ka Ri India bad kumba 10 ngutkin dei napoh ka Jylla ki ban ia shim bynta ha ka A category. iakane ka lympung ynpynlong ha ki artylli ki kyrdan kata ha ka A bad B category.
U General secretary u bah Khrawkupar Pajatu la pynpaw ka jingsngewnguh ia ka Sorkar Meghalaya bad khamtam ia ka Sports Department ki ba la ia ka jingkyrshan ha ban pynlong ia kane ka lympung.
La ong ba jingthmujong ka synjuk ban pynlong ia kane ka International Open Grandmaster ka long ban ai mynsiem bad kum juhruh ban plie ka lad ia ki khynnah ki bana ka jylla ba kin ioh ban pyni ia ka jingtbit jong ki ha kane ka jingia leh kai.
U la ong bun na ki Jylla ki la pyrshang ban ioh ban pynlong ia kane ka Lympung hynrei na ka liang ka Indian Chess Association ka la jiedia ka Jylla Meghalaya bakan ioh ban pynlong ia kane ka lympung .
U la ong ruh bana ka liang ka Synjuk ki dang don kam shibun u synniang na ki riewpaidbah ha ka ban ioh ban pynlong ia kane ka Lympung u la iathuh ruh ba ka jingthmu ban pynlud ha kane ka lympung kankot sha ka 123.28 lakhs
Na ka liang u bah Rijied Khatrai u ba dei u nongai khubor u la ong bana ka bynta ki kito ki khynnah ki bakwah ban ia shim bynta ki dang lah pynrung kyrteng ia lade ha ka baia ka jingpynrung kyrteng ynpynkut ha duh ka 1 tarik u bnai Nohprah.
U la ong bana ka liang ka synjuk ki kyrmen ba kin bun ki Grandmaster ki ban wan ban ia shim bynta ha kne ka lympung. U la ong ruhba kin don ki bana ka jylla ki ban wan ban ia shim bynta sha kane ka lympung bad kan long ruh ka lad na ka bynta ki players ki bana ka jyllaba kin ioh ban pyni ia ka jingtbit jong ki ha kane ka Lympung .
