Shillong, Jylliew 05: Shisngi ha dien bala pynbna ia ka resolt MP sha Lok Sabha u Myntri Rangbah Duh jong ka Ri India u la leit ban ia kynduh ia ka President ka Droupadi Murmu ha kaba u la ai ia ka shithi hiar shuki bad hakine ki lai sngi un long u nongpeit ba shipor.
U Narendra Modi yn sa bam smai biang kum u myntri rangbah duh jong ka Ri India ha ka sien kaba lai ha ka lai bad ka jingpynbam smai kan long ha ka sngi Saitjian ka 8/6/2024 ha ka por phra baje mynmiet.
U Nongialam ka Telugu Desam Party u Chandrababu Naidu bala jop 16 ngut ki MP bad u Natish Kumar jong ka party Janata Dal United kaba la jop 12 ngut ki MP kila poi sha Delhi bad kine ki sa ai ia ka shithi jingkyrshan ia ka sorkar National Democratic Alliance kaban ialam da ka BJP.
Na ka liang jong ka NDA kania kynduh mynta ka jan miet ha nongbah Delhi ban ia kren ia ki jingdon kam ha kaba ia dei bad ka jingthaw ia ka sorkar thymmai bad bun kiwei kiwei ki kam kiba ia bad ka sorkar kaba thymmai.
Ka kynhun kaba don ha ka NDA baroh ki long 292 ngut, mynta ka sngi kan leit ban ia kynduh ia ka Presidetn jong ka Ri India ban kam ba ka don ka jingiabun paid bad ba kan thaw ia ka sorkar.
