Shillong, Lber 09: U nongialam jong ka seng NPP u bah Prestone Tynsong u la ong ba ka kynhun MDA kan ia kynduh ha kane ka taiew ban wan ban ia kren ia u kyrtong MP ia monlang.
Haba kren ha ki lad pathai khubor mynta ka sngi ha dien ba la plie ia ka jaka otdoh Mawlai u la ong ba kum ka MDA kan dang ia kynduh ha kane ka taiew ban wan ban ia kren ia kane ka kam MP namar kala jan mynta.
Haba jubab ia ki jingkylli na ka liang jong u Bah Prestone u la ong ba ka dei ka kamram jong ki party ba kin sei iala u jong u jong u kyrtong bad kin wanrah hapoh ka MDA bad ha ka MDA kin sa ia kren ia u no u ba ki ia mynjur lang.
Haba ia dei bad ka UDP kaba la pynbna ia ka kyrteng u Dr Jemino Mawthoh, u bah Prestone u la ong ba ka dei ka kam jong ka bad kala leh ia la ka jong ka bynta bad lada dei kiwei kiwei ki party ruh kiba don ha poh ka MDA kam pher ka ban rai dei ka MDA.
Haba ia dei bad ka jingkam jong u president ka NPP u Conrad K Sangma ba ka NPP kan pynieng kyrtong ha baroh 25 tylli ki parliamentary Constituency ha kane dong shatei lam mih ngi kaba kynthup ruh ia ka Shillong parliamentary Constituency, u Bah Prestone u la ong ba kane ka dei tang jingiakren kim pat shim rai. Karai kaba ka party kan sa shim kan long ha dien ba kila ia kynduh kum ka kynhun jong ka MDA.
