Shillong, Jylliew 01: Mynta ka sngi ki nongtrei sngi jong ka North Eastern Hills University hapoh ka lama All NEHU Workers Union (ANWU) kila pynlong ia ka jingiakhih ban dawa na ki br pyniaid jong ka skul ban ithuh noh kum ki nongtrei ba pura.
U bah Nepolian Mawphniang Presdient la ong ba kane ka jingiakhih da kaba jai jai kan long hynriew sngi lynter ha khmat ophis jong u Vice Chancellor ha NEHU Shillong bad ha Tura ha khmat ophis jong u Pro Vice Chancellor, ka por ba kin pynlong ia ka jingiakhih ka iapher na kawei ka sngi sha kawei pat ia kaba la sdang mynta ka sngi bad kin kut ha ka 6 tarik mynta u bnai.
La iathuh ba ka jingdawa jong ki ka long ba ka NEHU ka dei ban ithuhnoh kum ki nongtrei ba pura ia kito kiba la trei palat shiphew snem, la iathuh ba kito kiba trei sgi kiba la palat ia ka shiphew snem kiba don ha NEHU Shillong bad Tura Campus ki don kumba 250 ngut kane ka long katkum ka rai jong ka iing bishar kaba ha khliehduh jong ka Ri India.
Ka jingiakhih jong nongtrei sngi ka NEHU ka long ba ka jingsiew ka dei ban long kum juh ia kiba trei ia ka juh ka kam, kaba phylla ka long ba ka jingsiew ka iapher hapdeng ki para nongtrei kiba trei ia ka juh ka kam, dei hangne ba ki sa dawa ka juh ka jingsiew na ka bynta ka juh ka kam kaba ki trei.
Ha NEHU Shillong mynta ka sngi ki nongtrei hapoh ka lama ANWU kila ia lum khmat ka ophis jong u Vice Chancellor wat ha pdeng jong u slap ba jur ban pynpw ha khamat jong ki bor ba pyniaid ia ka skul bah ba kin ainoh ia ka jingithuh ia ki nongtrei sngi ia ka jingithuh kum ki nongtrei ba pura ia kito kiba la trei palat ia ka shiphew snem.
