Shillong, Naiwieng 15: Ka ophis jong ka District Child Protection Unit jong ka East Khasi Hills District kala pyntip ba la don ba leit ban buh ia khyllung kynthei ba dang shu khmat ha khyrdop jong ka Cradle Point ka Lawei Baphyrnai ha Lumsohphoh, Nongthymmai.
Ka Lawei Baphyrnai ka dei ka kynhun bala pyniaid da ka kynhun ban ri ia ki khynnah kiba yn don ba peit bad ia kane la pyniaid da ka Reach Shillong Ministries, la iathuh bala don ba wan buh ia ka khyllung ha pdeng ka por 5.00 baje bad 5.30 jan miet ne ka 11/Naiwieng/2024.
Kane ka khyllung mynta ka don ha katei ka jaka ri khyllung, kumta la kyrpad ia kito kiba tip ne don kano kano ka jingiadei bad katei ka khyllung ki lah ban wan sha khmat ban pyntip bad ban wan kam bad la ai por hapoh ka 60 sngi kidei ban wan kam naduh ba pynlait ia ka khubor.
Na ka liang jong ka ophis ka District Child Protection Unit jong ka East Khasi Hills District kala pyntip ruh ba lada ym don ba wan kam hapoh kitei ki seng kiba la la buh ka ophis ka lah ban pynbna ban ai sha kino kino kiba kwah ban tingkhun.
Kiba ha iing ha sem ne kiba tip shaphang kane, ki lah ban ia kynduh ia ki briew jong ka ain, ka ophis jong ka District Child Protection Unit, East Khasi Hills Meghalaya, Shillong number 0364-7962188.
Ka ophis jong ka Child Welfare Committee, East Khasi Hills Shillong, number 0364-7962188 bad Lawei Baphyrnai Specialised Adoption Agency, Lumsohphoh, East Khasi Hills Shillong number 9612168593.
