New Delhi, Naitung 31: Ka National Crime Record Bureau (NCRB) kala lum thup ha ba ia dei bad ki kam runar bad juh pynmih pat ia ka jingthoh ha kaba ia dei bad ki kam sniew kiba jia hapoh ka Ri India. Ka jingthoh kaba la pynmih khatduh dei ha u snem 2022.
Katkum ka kaiphot kaba la pynmih ka kdew ia baroh ki jylla ha ka Ri India bad kum juh ia ki Union Territory katkum ki ejahar kiba buh jingkhein hapoh ka Unlawful Activities (Prevention) Act, 1967 (UAPA) na ka bynta jong u snem 2020, 2021 bad 2022.
Haba kane ka ain Unlawful Activities (Prevention) Act, 1967 (UAPA) kam don ia ka kyndon ban ong ban shna ia ka jaka set ia kito kiba shah kem hapoh kane ka ain, kane ka long katkum ka jingpyntip jong u myntri khynnah kam poh iing ka sorkar pdeng u Nityannad Rai da ka jignthoh hapoh Rajya Sabha.
Ha ka ri baroh kawei kiba la shah register ejahar ha kane ka ain baroh ki long ha u snem 2020 ki don 796 tylli, ha u snem 2021 ki don 814 tylli, 2022 ki don 1005 tylli, ha ba khien lang ha ki lai snem ki don haduh 2615 tylli.
Kiba bun eh dei ha Jammu bad Kashmir ha ki lai snem kila don haduh 947 tylli, ha Utter Pradesh ha ki lai snem kila don haduh 256 tylli, ha Bihar 84 tylli, ha Jharkhand 243 tylli, ha Assam 304 tylli, Manipur 493 tylli, ha Meghalaya 21 tylli, Kerala 59 tylli, kkite ki dei ki jylla kiba kham bun kiba la paw ha ka kaiphot bala pymih da ka sorkar pdeng.
Ki jylla bad Union Territory bym shym don ba shah kem hapoh ka UAPA 1967, ki don 11 tylli, na kine 5 tylli ki dei ki Union Territory bad 6 tylli ki dei ki jylla ba khlem don ia kiba shah kem hapoh kane ain.
