Shillong, Nailar 29: U Myntri rangbah ka jylla u Conrad K Sangma haba jubab ia ka jingkylli jong u bah Heavingstone Kharpran ha kaba ia dei bad ka jingthung dieng naduh u snem 2020 haduh ban jylliew 2024, la ong bala thung haduh 99,78,352 tylli ki dieng bad kiba im ki long 73,76,735 tylli.
Haba jubab ia ki jingkylli bynrap u myntri rangbah la ong ba ha kine ki san snem la pynlut kumba T.100 klur tyngka ban thung dieng, kaba mut ba la pynlut kumba T. 1.9 lak tyngka ha ka shihektar, haba ia dei bad ka jingiap jong ki dieng kiba la thung ki don bun kidaw.
Haba ia dei bad ka State Climate Council, la ong ba kane kan peit ia ka jingiatreilang jong kiwei ki tnad sorkar kiba ia dei bad ka juh ka kam ban pynneh ia ki um kiwah bad ia ka mariang lyngba kane la wanrah lang ia ki ha ka juh ka rynsan.
U Myntri rangbah la ong ba ka tnad sam um ka jylla ka don kam ban ia da ia ki 750 tylli ki tyllong um, katba ka soil ka don ban shna 2000 tylli ki pung um, da ka jingiatreilang la lah ban pyntrei ia ki tei ki skhim da ka jingikren la lah ban pynurlong ia ka jingpynneh ia ka mariang.
Ka jingpynlut ha kaba thung ia ki dieng kam dei na ka juh ka tnad hynrei ka pylut na ka tnad khlaw T.26 lak tam, na ka tnad pynneh khyndew T.32 lak tam, MBDA T.42 lak tam bad na ka BDBA ruh bad ka pisa kala kot sha ka T.99.7342 lak tyngka baroh.
