Shillong, Jymmang 02: Ha kine ki saw sngi ki pulit jong ka East Jaintia Hills District kila ioh ban kurup drok kaba la kot sha ka T.10.6 klur tyngka, kane ka dei na ka jingkut jingmut jong ki pulit ban ia khun pyrshah ia kane ka kam sniew,
Mynta ka sngi ki pulit ka East Jiantia Hills kila ioh ban kurup drok shongdor T.1.1 klur tyngka bad kila ioh ban kem ruh lai ngut ki briew kiba dei ki nongkhaii drok bad la kurup ruh ia ka kali rem dor kadon ia u number ML05-X-7741.
Ha ka 27/Iaiong/ 2025 ki pulit ka East Jaintia Hills District kila ioh ban kurup drok kaba shong dor haduh T.7.2 klur tyngka bad la kurup ia ka kali Bolero kaba thymmai kaba la thoh A/F.
Ha ka 1/Jymmang/2024 la ioh ban kurup drok ba shong dor T.2.1 klur tygka, ha kane ka juh ka sngi la ioh ruh ban kurup drok herion bala tip kyrteng kumu Nitrajepam bala thep kum ki kuli bad kiba la ioh ban kurup 24 sla bad ka dor ka long T.10 lak tyngka.
