Shillong, Naitung 28” Ka North Eastern Institute of Ayurveda and Homoeopathy, Mawdiangdiang, Shillong, hapoh ka Ministry jong ka AYUSH, Government of India, ka la pynlong ia ka One-day Regional Seminar cum Workshop ha ka 27th tarik U Naitung, 2019 halor ka phang pdeng “Problems and Prospects of Homoeopathic Education in North-East India” ha Institute Campus ka ba don ha Mawdiangdiang, Shillong, naduh ka 9 shiteng mynstep haduh ka 6 baje janmiet.
Kane ka program ka lah sdang da ka scientific session ha ka ba saw (4) ngut ki nonghikai jong ka NEIAH ki lah ai jinghikai halor ki phang ba pher ba pher kaba iadei bad ka phang pdeng jong ka seminar. Hadien kata la bud sa ka inaugural function ha kaba U Prof. (Dr.) P.K.Goswami u ai ia ka jingkren pdiang sngewbha.
U Padmashree Prof. (Dr.) V.K Gupta, Chairman, Scientific Advisory Committee, CCRH, New Delhi, u dei u Kongsan ha kane ka program; U Dr. R.K Manchanda, Deputy Director, Senior Administrative Grade, Government of NCT, Delhi, bad U Prof. (Dr.) Gautam Ash, Head of Department of Anatomy, National Institute of Homoeopathy, Kolkata ki lah dei ki symbud kongsan bad nongai jinghikai (Resource Person)
U Kongsan u lah pynshai shaphang ka jinglong jingman jong ka tnad Homoeopathy ha baroh satlup ka pyrthei ha ka juk ba mynta. U la ong ruh ba dang bun ki jingeh bad jingdonkam ban peit khmih bha ia kaba lah dep bad ialade ban nang pynkiew shuh shuh ia ka tnad Homoeopathy. Lah ai jingkren pynkut da I Smt. Kimchin Lhangum, Deputy Director, NEIAH bad bud da ka National Anthem.
La bud ruh da ka Scientific session ba ar ha kaba ar (2) ngut ki doktor ba paw nam ha ka system Homoeopathy ki lah ai jinghikai . U Prof. (Dr.) Gautam Ash u lah kren shaphang ki jingeh ha ka jingpule Homoeopathy, ki jing tbit ki nonghikai, ki rukom shim case ba standard bad jingbuh record ia ki case ha Homoeopathy, ki research ha Homoeopathy, kiba ngi lah ban hikai naduh ki Under Graduate level. U Dr. R.K Manchanda u lah pynshai ia ki jingduna ha ki jingpule BHMS bad MD, ki kam ka CCRH ha ki research, ka koit ka khiah ki paidbah, jing iada na ki jingpang bad pyniasnoh ia ka Research bad Education.
Ka program ka lah kut da ka Valedictory prokram ha kaba u Shri. Nilanjan Sanyal (Retired IAS), Chairperson, Board of Governors, CCH, New Delhi u lah long u Kongsan. U lah ong ba ka jing ithuh ia ka system Homoeopathy ka lah iar bad nang kham bha ha ki phang mihngi jong ngi. Ka lawei kan long kaba shai haba ka NEIAH ka long kum ka nuksa namar ba ka lah kiew bha ha kine ki khyndiat snem.
