Mairang, 14: U Syiem jong ka Hima Nongkhlaw u Pa,im, Phrester Manik Syiemlieh la iathuh ba ka jingtei ia ka Iew bun mala ha Iew Langstih bala be pisa lyngba ka North Eastern Council la lah ban pyndep ia ka bynta kaba nyngkong ha ka jinglut kaba T.13 klur ei ei.
Haba kren ha SP News Agency, la ong ba ka don ka jingduna ha kane ka iew bad kata ka dei ka jaka leit sha bar, na ka liang jong ka kompeni ba pyntrei kila ong ba ha ka DPR don tang kwei ka jaka leit sha bar, hynrei namar ka jingheh ka iew la phah shna noh sa kawei bad kane kawei ka don ka jingthut.
Na ka liang jong ka hima kala dep ban thoh sha ka NEC ba ka hima kloi ban shimti ia ka jingtei ia kaiew kaba don ha Iew Langstieh wat la ki don ki jingduna bad mynta ki dang ap ia ka jubab na ka NEC bad ka hima ka kwah ia u Dr. Jitendra Singh myntri khynnah ka sorkar pdeng ban wan plie.
Ia kane ka Iew bun mala ha Mairang la ioh lyngba u u myntri ba dei peit ia ka DONER ha katei ka snem 2017, ia kane ka iew la ai kyrpang khlem da leit lyngba ka sorkar jylla, ka jingmang pisa kala wan beit na ka DONER sha ka NEC ban pyntrei ia kane ka iew.
Ha kane ka bynta kaba nyngkong, ki dukan ki don 300 tylli bad ym pynrung ia kito kiba la shah weng ha ka por ba shna ia kane ka iew kiba don 300 tylli ki basa iew, ha ka bynta kaba ar yn sa sdang ynda kila shimti ia kane ka bynta kaba nyngkong.
Ka pisa kala dep ban don bad ka NEC ban shna ia ka bynta kaba ar ia kaba la dep mang kumba T.15 klur ei ei bad ki dukan kiba don hapoh Iew Langstieh ki don sa 800 tylli bad ynda la dep shna ia kane bynta ka bar ki 800 tylli ki basa yn sa pynrung ia ki, namar ka iew Lagnstieh baroh ki don 1000 tam ki basa.
