Shillong, Jylliew 23: Ka tnad pyniaid kali ki pulit ba dei peit ia kane ka nongbah Shillong kila shna ia ka Police Booth ha Rihno ha pdeng lynti iaid kjat bad kane kala buh jingeh ia kiba iaid lynti mynta la bun bun snem ha kane ka jaka.
Kane ka jaka ka hap hapoh ka jingpeit jong ka Shillong Cantonment Board, kaba ki paidbah ki kylli ha kano ka rukom la ai ia kane ka jingbit ban shna ia kane ka Police Booth ha katei ka jaka, kaba kiba iaid lynti kila hap ban iaid sa surok.
Kane ka Police Booth ka don ha pdeng lynti iaid kjat bad ki police kiba pyniaid kali ki don ha surok bad ia kane ka Police Booth la pynlong kum ka jaka buh tiar na ka bynta ki paulit kiba pyniaid kali ha ka por ba ki don ha ka kam.
Kaba pynlong lyngoh ka long ba iaki lynti iaid kjat hapoh ki jaka jong ka Cantonment Board la peit ba ka board bad ki pulit kin nym ioh ban shna khlem ka jingbit jong ka Board, khlem da peit shuh ia ki paidbah ba iaid na kane ka jaka.
