Shillong, Risaw 31: ka ophis jong ka “District Chiled Protection Officer” bad ka “District Child Protection Unit” jong ka East Khasi Hills District kala pyntip ba ha ka miet 30/10/2019 la shem ia I khyllyng kynthei kaba la ieh ha phyllaw iing jong u Bah Kyrmen Shylla myntri ka tnad Social Welfare ha jan Mizo Mordern High School ha Nongrim Hills Shillong.
Ia I ne I khyllyng la buh hapoh jong ka ‘Lawei Baphyrnai Specialized Adoption Agency Shillong. Na ka liang jong ka ophis kala pyntip ba lada don kiba ha iing ha sem kiba tip ha kaba ia dei bad I ne I khyllung kin sngewbha pyntip sha ka ophis jong ka District Child Protection Unit ha Lachumiere East Khasi Hills District ha une u number 0364-2502310, kaba dei jong ka “Child Welfare Committee” ka phone number ka long 0364-2502310 bad ka phone jong ka Lawei Baphyrnai Specialized Adoption Agency, Shillong ka long 9612760415. Lada don kiba tip ki lah ban wan kam hapoh ka 60 sngi lem kumta yn shah noh ban aiti na ka bynta ban tingkhun.
