Shillong, Risaw 29: Ha ka jingrakhe ia ka taiew peitngor u Chief Secretary ka jylla Meghalaya u bah D P Wahlang u la shim ia ka jingpynsmai ha khmat Secretariat ha ka jingdonlang ki ophisar jong ka sorkar jylla.
Ka Central Vigilance Commission (CVC) kala sdang ia kane ka taiew pynsngewthuh paidbah kaba la sdang mynta ka sngi bad kan kut ha ka 3 Naiwieng 2024, bad ka phang ka long “ Ka kolshor jong ka jingiatylli kawei na ka bynta ka jingikiew jong ka Ri”.
Ia kane ka taiew ban peitngor la juh pynlong ha ka tiaew ba kut jong u Risaw ban pynshlur ia baroh ban ia don kti lang ban shim bynta lang ha ka jingiada ha ka jingiakhun pyrshah ia ki kam bamsap bad ban pynsngewthuh ia ki paidbah ia ka jingma kaba mih na ki kam bamsap.
