Shillong, Iaiong 30: Mynta ka sngi ka kynhun jong ki seng bhlang ka dong shatei lam mih ngi jong ka Ri India hapoh jong ka lama “North East Forum for Indiginous People” (NEPIF) kila pynlong ia ka jingialang ba nyngkong jong ka exectutive committee ha dien ba la seng ia kane ka kynhun.
Ia kane ka jingialang la pynlong mynta ka sngi ha ICSSR Hall ha ka skul bah jong ka North Eastern Hill Universty Shillong, ha kaba baroh ki dkhot jong kane ka kynhun jong ka dong shatei lam mih ngi jong ka Ri India kila ia poi sha kane ka jingialang mynta ka sngi.
Ka nongrim kaba la seng ia kane ka NEFIP ka long ban ia leh ban ia da na ka jingshah thombor jong ki riewlum kane ka thain bad ka phang pdeng jong ka jingiakren mynta ka sngi ka long halor ka Citizenship Amendment Bills namar kane ka bill kan ktah ia ki riewlum kane ka thain.
Ha kane ka jingialang baroh ki dkhot jong ka CoMSO na kane ka jylla Meghalaya kila ia poi sha kane ka jingialang, na Assam, Arunachal Pradesh, Nagaland, Manipur, Tripura bad Mizoram kila ia poi sha kane ka jingialang kaba dei ka EC kaba nyngkong jong ka NEPIF.
