Shillong, Iaiong 19: Mynta ka sngi ka kynhun myntri sorkar hapoh ja jingpyniaid jong u myntri rangbah ka jylla u Conrad K Sangma kila shim ia ka rai ba ki skul kiba don hapoh ka nongbah Shillong kin khang naduh lashai ka sngi haduh 4th Jymmang 2021 u bnai ban wan.
U Myntri rangbah ka jylla u la kren shai ba ki eksamin SSLC bad HSSLC kin iaid beit kumba kala iaid mynta sha khmat, ha kaba ia dei bad kiwei ki District ha ka jylla ka sorkar ka dang peit bniah.
Haba ia dei bad ka jingphah wan ia ki nongtrei ha ki ophis sorkar lane ha ki ophis jong ki riew shimet, la bthah ba ki nongtrei ki dei ban wan tang 50%, ka sorkar kala bthah ruh ban peitngor bha ha kiwei ki District.
Haba ia dei bad ki nongwankai suwari kiba wan na sha bar ka yjlla ka sorkar kala shim ia ka rai ban khang shuwa ban nym shah shuh ba kin wanrung sha ka jylla naduh ka 23rd Iaiong 2021 katba ia ki nongshangkai suwari kiba dei na ka jylla pat ka sorkar ka khlem khang.
Haba ia dei bad ka jingtest ia ki nongwanrung sha ka jylla kan long lyngba ka RTPCR bad kane ka jingtest la pynhiar na ka 72 kynta sha ka 48 kynta, na ka liang jong ka sorkar kala peitngor bha ban peit ba kane ka jingpang kam dei ban saphriang ha ka jylla.
