Shillong jylliew 26 : ka Deputy Commissioner jong ka East Khasi Hill mynta ka sngi kala pynmih ia ka jingpynbna, katkum ka jingbthah ka tnat kam poh iing ba lah shah 20% ia ki kali kamai ba kin iaid hapoh sor Shillong bad 50% ki kali kamai ba kin iaid ha non kyndong bad kane ka jingiaid kan long beit tang hapoh ka district khnang ba kan nymdon ka jingiabit kane ka khlam COVID 19.
Kane ka jingpynbeit ka jingiaid ki kali kamai ki taxi bad ki Auto Rickshaw kan treikam naduh ka 28 Jylliew haduh 3 tarik u Naitung 2021 bad kane kan long naduh ka por 6 baje mynstep haduh 6 baje janmiet.
Ki Kali kiban kamai ha Shillong bad sawdong jong ka kiba kynthup ia katei ka 20% haka shisngi, ki taxi, autorickshaw kin iaid ha kine ki jaka kumba la kdew,ha baroh ki jaka jong ka Municipal,ha baroh ki jaka cantonment,ha baroh ki jaka sor jong ka Mawlai Block, ki jaka sor hapoh ka Mawpat Block bad hapoh ki jaka ka Mylliem Block.
La bthah ba ym dei ban kit ia ki nongleit nongwan shabar jong ka nongbah Shillong bad ki jaka kiba la kdew haneng, lada don kano kano ka jingialeit iawan ha ka District bad shabar ka sor Shillong kin hap ban leit tang lada kila ioh ia ki jingbit.
Ki kali kamai ban iaid, taxi bad autorickshaw ha ka 28 tarik u Jylliew ( sngi Nyngkong ) ki kali ban iaid kin long ki number kiba kut ha u 1 bad u 2 , ka ka 29 Jylliew ( sngi ba ar ) ki kali kiba kut ha u number 3 bad 4 , ha ka 30 Jylliew ( sngi balang ) ki kali kiba kut ha u number 5 bad u 6 , ha ka 1 tarik u Naitung ( sngi palei ) ki kali kiba kut ha u number 7 bad 8 ,ha ka 2 tarik u Naitung ( sngi thoh dieng) ki kali number ki ba kut ha u 9 bad 0 , ha ka 3 tarik u Naitung ( sngi saitjain ) ki kali number kiba kut ha u number 1 bad 2, kine kin long hapoh sor Shillong.
Ka jingiaid ki kali hapoh Sohra bad Pynursla Civil Subdivision kan long ha ka shisngi , ia ka jingpynbeit yn sa leh da u Sub Divisional Officer jong ki Sub Division , yn nym shah ban kit briew Sha sor Shillong khlem da ioh pass na Office u SDO.
Haki jaka kiba hap hapoh ka Mawyngkneng , Mawkynrew , Mawsynram , Sohiong bad Mawphlang Block kin iaid 33% haka shisngi, kane kan long tang hapoh ka Block kaba ki hap, yn nym shah ban kit briew sha shillong khlem da ioh jingbit na ki BDO.
Ka jingiaid ki kali haka sngi kaba nyngkong kin long kiba kut ha u number 0,1 bad 2, haka sngi ba ar kin iaid ki kali ki bakut ha u number 3,4 bad 5 , ka sngi balai kin iaid ki kali kiba kut ha u number 6,7 bad 8, ka sngi ba saw kin iaid ki kali kiba kut ha u number 9,0 bad 1. kine kin long ki kali ki ban iaid ha ki nongkyndong.
Ka jingkit briew ki taxi laha sor ne nongkyndong nalor u driver ki taxi ki lah ban kit tang laingut briew bad ki autorickshaw nalor u driver kin kit tang arngut briew.
ki driver kiba niah ia ki taxi bad ki auto kin hap ban tah hapoh kali jong ki la ki lah dep ai tika ne em katkum ka hukum kaba lah mynmih haka 24 tarik u Jylliew 2021.
Baroh kiba niah kali ne kiba shong kali kidei ban deng artylli ki mask lane ka mask N95, dei ban pyndonkam ia ka jingkyllan kti bad ia ki jingkhangiiet kali dei ban plie.Baroh ki kali kidei ban bud ryntih iaki kyndon balah bthah bad ia kiba pynkhein yn pynshitom katkum ka ain, kane ka long katkum ka hukum bala pymih ka Deputy Commissioner jong ka East Khasi Hills District.
