Shillong, Iaiong 01: Ka ophis jong ka Khasi Hills Autonomous District Council (KHADC) kala pynieng ia ka khyrdop khrong pisa na surok bah Shillong by Pass kaba hap hapoh jong ka shnong Mawkhanu.
Ia kane ka khyrdop la pynshisha ba ka dei jong ka KHADC kaba la shondur da u SP News Agency mynta ka sngi ka long ba ka don ka jingthoh kaba shai kdar kaba la wah ha rud surok jong ka tei ka surok bah.
Ha katei ka jingthoh la thoh shai kdar “ Khasi Hills Autonomous District Council (KHADC) Toll on entry of Vehicle And Goods” kaba mut la shim pisa na ki kali kiba rung bad ki kali kitmar ha katei ka khyrdop kaba don ha surok bah.
Katkum ka jingpynbna ka District Council Affair ha ka 29/01/2023 kala kren shai bay n lah ban buh khyrdop khrong khajna ha ki Surok bah bad ki suroh heh jong ka jylla khlem da ioh ia ka jingbit na ka tnad shna surok ka sorkar pdeng.
