Shillong, Naitung 07: U Dr Jemino Mawthoh General Secretary jong ka seng UDP, ha dien ka jingalang ba kyrpan
g jong ka CEC jong ka party mynta ka sngi haba kren ha ki nongthoh khubor u la ong ba ha kane ka jingialang la shim ia ka rai ba ka party kan ai ka jingkyrshan kaba pura ia u Conrad K Sangma jong ka seng NPP ha 51- South Tura khang ba un jop bad ioh ban beteng ia ka kam myntri rangbah ha ka jylla.
Haba phai pat sha ka 35- Ranikor Constituency ka jingialang kala rai ba baroh ki nongkit kam jong ka seng kin leit ba ialap elekshon na ka bynta jong u Bah Pius Marwein ban pynthikna ba ka UDP kan jop na kane ka jaka ha kane ka elekshon shiteng samoi.
U Dr Mawthoh, u la iathuh ba ka seng HSPDP kan leit ban ai ka jingkyrshan ia u kyrtong ka UDP, la ong ba u Bah Renikton Tongkhar bad u Bah Samlin Malngiang myntri jong ka sorkar kin leit ban ialap elekshon na ka bynta u kyrtong ka UDP lem bad ki nongkit kam jong ka party.
Haba jubab ia ka jingkylli haba ia dei bad ka jingkyrshan jong ka Congress, u Dr Mawthoh u la ong ba ia kata ka party kam don jingtip ei ei ia kata namar ka party kan trei shitom ban pynjop ia u kyrtong u ba ka party kala pynieng. La ong ba kane ka elekshon ka long kaba don kam ka long ba ka party kan jop khnang ba ka sorkar MDA kan dang kham khlain.
La iathuh ba u Kabul Sangma u la shah beh na ka seng UDP bad ha dien u la mih noh da lade na ka party kumta ka UDP kam don jingiadei shuh bad u Kabul ha kane ka elekshon shiteng samoi na 51-South Tura na ka liang jong ka kaparty ka la dep ban ia kren ba kan ai ka jingkyrshan kaba pura ia u Conrad kyrtong ka NPP na Garo Hills.
