Shillong, Jylliew 21: Ki nongialam ka seng HITO namar ba Kim ioh ia kynduh ia u myntri rangbah ka jylla u Conrad K Sangma, kum juh ia u symbut myntri rangbah ka jylla u bah Prestone Tynsong Kim ban se ban ia ia u myntri ka tnad ka koit ka khiah u bah A L Hek ban ai ia ka shithi ba kila thmu ban ai ha u Myntri rangbah ka jylla.
Kane ka shithi kaba la phah mynta ka sngi ka long halor ka jingiadei bac ka mei mariang bad ka seng ka pan jingpynshai na ka sorkar jylla halor ka jingioh EC ka M/s Star Cement Meghalaya Ltd ha Brichyrnot, khnang ba ki paidbah kin sngewthuh kari kaba shisha bad kaei ka bym shisha.
Haba kren ha ki lat pathai khubor u nongialam ka HITO u bah Donbok Dkhar u la ong ba kum ka jaidbynriew ki long kiba jai jai, hynrei wat pyndom ioh poi sha kaba sniew, ha Kane ka jingia kynduh kila pynsngew ha u myntri ka tnad ka koit ka khiah ia jingdon ki jaka syang dewiong bala tip kum ki Coke Factory, kam pud kam sam bad ka jingkhlad arngut ki Nos.
Haba ia dei bad ka tnad ka koit ka khiah na ka liang u myntri u la ai ia ka jingshai bad haba ia dei bad ki ventilator la dep ban ai ia ka jingtrei kam pat dang hap wat jingtip.
Katkum ka jinglap na kawebsite jong ka MSPCB, ka HITO ka kynnoh ba ki don ar tylli ki kyndon kiba ka pynkhein, hynrei kaei kaba Kim pat tip ki long hato ka sorkar jylla kala ai jingthoh ne em ha kato ka por ba ka iing bishar ba ha khliehduh jong ka Ri India ka phah sha ki jylla bad Union Territories katno tylli kita ki wildlife Sanctuary kiba ia jan bad ki karkhana dewbilat.
Kane ka dei ka jingiakren bad u myntri ka tnad ka koit ka khiah ba un raha sha u myntri rangbah ka jylla bad sha kiwei ki myntri sorkar bad ka sorkar ka dei ban pynshai hapoh mynta u bnai.
Ki kyndon kila kren shai ba dei ban don ka jingsngap paidbah bad kala don ka pyrshah, Kane baroh ka dei ka jingkyrshan jong ki District Administration la kynnoh ka HITO. Ki paidbah ki sngewthuh ba ki sa pyrshah.
Ka HITO kala kynnoh ba ki don ki karkhana syngang dewiong kila don 12 tylli kiba la buh ia ki aplikoshon jong ki, hynrei kiba ioh ia ka CTE bad CTO ki long tang ar tylli bad kita ki long Syrpailang Coke Factory Sawkilo, ka Mahajong Coke LLP Umtyra Elaka, Jaintia Coke Kashitang Sawkilo Sutnga, Adhi Coke Ladrymbai bad Jaintia Coke LTTE Latyrki tang kine kiba la ioh ia baroh ar ki jingbit. Katkum ki kyndon ka MSPCB Kim ioh ia kitei ki ar tylli ki jingbit Kim lah ba trei.
Tang hapoh Elaka Sutnga ki don haduh 22 tylli ki karkhana syngang dewiong kiba khlem don kino kino ki kot ki sla bad kiba khlem buh ruh ia ki applikoshon jong ki la kynnoh ki nongialam ka HITO, u bah Donbok Dkhar president bad u bah Wanbun N Dkhar General Secretary.
