Shillong, Jymmang 14: Ka office jong u District Sports Officers jong ka East Khasi Hills Shillong mynta ka sngi ka 14 tarik u Jymmang 2024 kala phah ia ka jingpyntip sha baroh ki skul ki ba hap hapoh ka East Khasi Hills ba na ka liang ka office kan pynlong ia ka Inter School Subroto Cup Football Tournament 2024 ha ka 10 tarik u bnai Jylliew 2024.
Ha ka kyrwoh ba la phah da u District Sports Officer ka East Khasi Hills u bah O Mawthoh u la pyntip ba ia kane ka Inter Football Tournament 2024 yn pynlong ha ki Lai Tylli ki kyrdan Sub – Junior Under- 15 years, ki Junior- Under- 17 years ki ba kynthup ia ki kynthei bad shynrang.
U bah Mawthoh ha u la pyntip ruh ba ia ki khynnah ki ban ia khun ia ka Under – !5 ki dei ban kha ha lane shwa ka 1 tarik u bnai Kyllalyngkot 2010, kat ba ia ki khynnah ki ban ia khun ia ka Under- 17 shynrang bad kynthei ki dei ban kha ha lane shwa ka 1 tarik u Kyllalyngkot 2008.
u la pyntip ruh ba ka Tarik ban pynpoi ia ki Application kan long ha ka 28 tarik u bnai May 2024 ha ka office jong u District Sports Officers ha ki kynta longtrei.
U la pyntip ruh ba kan don ka jingpeit bniah ia ki khynnah ha ka 31 tarik u bnai May 2024 ha kaba ki khynnah ki dei ban wanrah ia ki Original Birth Certificate bad kumjhuh ruh ia ka Adhar Card jong ki ha kane ka sngi.
Ia ki jingtip ba kham bniah na ka liang u district Sports Officers u bah O Mawthoh u la pyntip ba ki lah ban phone ha kine ki number kata na ka bynta ki Under- 15 years Boys ki lah ban phone ha u 8131860839, katba na ka bynta ki Under 17 years Boy ki lah ban phone ha u 8974606849, kat ba na ka bynta ki under-17 years girls ki lah ban phone ha u 9774096821.
