Shillong, Rymphang 10: Mynta ka sngi u myntri rangbah ka jylla u Conrad K Sangma u Symbut myntri rangbah u bahut Prestone Tynsong kila ia kynduh ia u myntri kam poh iing ka sorkar pdeng u Amit Shah.
U myntri rangbah ka jylla haba isthuh halo
r kane ka jingiakynduh ia u myntri kam poh iing ka sorkar pdeng, la ong ba kila ia kren bun ki phangphang bad la ia kren ha ka ba ia dei bad ka MRSSA.
Ha kane ka jingiakren u myntri kam poh iing u la ong ba dei ban ia shong hapdeng ka sorkar jylla bad kisi ophisar ka tnad kampoh iing ka sorkar pdeng ban iathir sani ia ka MRSSA.
Ha kane ka jingiakynduh, u myntri rangbah u la pynkynmaw hal or ka jingkular jong u ia ki kynhun seng bhalang por ba u wan ha Shillong, halor kane, u myntri kam poh iing ka sorkar pdeng u la ong ba un wan sha Shillong ha u bnai Lber ban wan ba ia kynduh ia ki seng bhalang.
U myntri kam poh iing un wan sahi ar sngi ha Shillong namar kan don ka jingialang kumno ban pynthymmai ia ka rukom trei kam jong ka NEC bad ha kane ka jingwan un ia kynduh ia ki seng bhalang.
Na ka liang u myntri kam poh iing, u la ong ba ha ka ja ka ba ki seng bhalang kin wan sha Delhi kan bhai ban ia kynduh ha Shillong bad la ong ba un pynlait bun ka por ban ia kynduh ia ki seng bhalang.
Ha kane ka jingiakynduh la ia kren ruh halor ka jingwan rung kyrthep ki bar ri, ym tang ha Meghalaya ne North East hynrei ha ka ri baroh kawei, na ka liang u myntri kam poh iing u la aisa ka jingkular ba ka sorkar pdeng kan iada ia ka riti dustur bad ka ktien ka thylliej ki briew ka jylla Meghalaya bad North East baroh kawei.
Ha kane ka jingiakynduh u myntri kam poh iing ka sorkar pdeng u la ong ba ka sorkar Meghalaya ka dei ban shim khia ban ia kren bad ki trai jaka ban peit ba ka jingker ksainar shiah ha khappud bad ka Bangladesh dei ban ioh sdang pyntrei noh, namar don ki jaka ba dangsah kiba khlem pat sdang ia ka jingker ksainar shiah.
