Shillong, Nailur 10: U Myntri rangbah ka jylla u Conrad K Sangma haba jubab ia ka mat ia kren kaba la wanrah da u MLA jong ka Nongpoh u Bah Mayralborn Syiem ha kaba ia dei bad ka jingpynmih ka jylla Assam ia ka ki kyrteng hapoh ka NRC, u myntri rangbah u la ong bay m dei ban shu kren kyllum, haba phi tip thikna ia ka jingdon ki briew ba isuba kiba don ha ki shnong ki thaw pyntip sha ki bor sorkar.
U Myntri rangbah u la ong ba ka sorkar ruh ka don ka juh ka jingsngewkhia ia kaba lah ban mih na ka jingpynmih jong ka jylla Assam ia ka NRC ha ka 31th Nailar 2019 ha kaba 19 lak ngut ki briew ki jah kyrteng.
Haba ia dei bad kane ka sorkar kala thung ia u Deputy Inspector general jong ki pulit na ka tnad CUD ban peit ia kane ka kam ban peit ioh don kiba wan rung thuh hapoh ka jylla Meghalaya. Na ka liang jong u DIG yn ia pynbeit bad ki superintendent jong ki pulit ha baroh ki District ban peit ia ka jingrung jingmih jong ki briew kiba man ka sngi.
Ban khanglad ia ka jingwan rung jong ki briew khlem kot khlem sla ka sorkar nalor ki khyrdop kiba la don ki long ka Ratacherra, Khliehriat, Dainadubi, Byrnihat, Aradonga bad Nengkhra nalor kine kala buh thymmai ruh ia ki khyrdop, Byrnihat, Patharkhmah, Mawlasnai,bad Umsiang kiba hap ha Ri Bhoi District.
Ha East Jiantia Hills District la buh hja Umkiang, Lumshnong, Khliehriat bad Lad Rymbai. Ha South West Khasi Hills District pat ha Mawkyrwat, Ranikor, Nonghyllam, Phudkroh, Lailad Junction bad Bagli.
Ha North Garo Hills District la buh ha Manikganj, Mendipathar, Dainadubi in front of OP, Kharkutta tri Junction, Sakware junction, Adokgre, Khaldang, Resubelpara,Thapa Darenchi,Berubari, Sualmari and Bajengdoba. Ha South West Garo Hills ki long ha Mirjumla area and Jhunjuni area.
Ha dien ba la pynmih ia ka NRC ha ka jylla Assam ka sorkar kala bthah ban nym shah ia ki briew kiba wan na Assam khlem da biang ki kot ki sla. Na ka liang jong ka sorkar kala pynkhlain shuh shuh ruh ia ki nongtrei ha ki khyrdop ba kin trei baroh 24 kynta.
Nalor bala pynbun ia ki khyrdop ka sorkar kala buh ruh sa ki kynhun pulit ba kyrpang ha baroh ki District, la bethah ruh ia ki Superintendent ki pulit ba kin ia treilang bad ki rangbah shnong, ki VDP ba kin ai jingtip la da wan ki briew phylla ha ki shnong ki thaw. La bethah ba pyntip paidbah ia ki phone number jong ki ophisar ba dei ia kane ka kam ba ki paidbah kin tip.
La bethah ruh ba baroh ki shnong ki dei ban don ia ka register jong ki nongshong shnong bad ia kane ka register ki dei ban ai sha ki pulit man la u bnai kane ka long kum ka lad ban iada na ka jingwan rung tih ki briew kiba na bar. Nalor kata la bethah ruh ia ki OC ba kin long kiba peitngor.
Na ka liang jong u myntri rangbah u la iathuh ba haduh mynta la ioh ban kem haduh 223 ngut namar ba kim lah ban pynbiang ia ki kot ki sla. Ka sorkar ka sngewkhia bha ha kaba ia dei bad kane ka kam.
Haba ia dei bad ki kynthei na ka jylla Meghalaya kiba shong kha sha Assam kiba khlem mih kyrteng ha ka NRC u myntri rangbah u la ong ba u la dep ban ia kren bad u myntri rangbah ka jylla Assam ha kaba ia dei bad kane ka phang bad kane kam dei tang ia ki kynthei na kane ka jylla hynrei ia baroh kawei ka Ri India ka ktah lang.
Haba ia dei bad ka jingdawa ban pyntrei kam ia ka NRC ha kane ka jylla, u myntri rangbah u la ong ba ka sorkar jylla ia kane ka bynta kan nym lah ban leh ei ei namar ka dei ka kam jong ka sorkar pdeng ha kaba ia dei bad ki nongshong shnong. Halor ka jingpynrung kyrteng ka Election Commission jong ka Ri India, u myntri rangbah u la ong yn nym kren ei ei hapoh iing dorbar hynrei ka sorkar kan sa peit ia kaba don kam ban leh.
Haba ia dei bad ka CAB, u myntri rangbah u la ong ba kila ia kren ia kane ka bynta bad ka jingkylli ka long lada pyntri kam ia ka CAB kaei kaban jia ia ka ILP ha ka jylla Nagaland bad kum juh ia ka MRRS Act kaba la pyntrei kam ha ka jylla ia kaba ka sorkar ka dang peit bniah kumno ban pynbha ia ka. Ka sorkar ka da sngewkhia palat ia kane ka bynta.
Nlaor u Bah Mayralborn Syiem ki MLA kiba la ia shim bynta ha kane ka jingiakren ki long u Dr Azad Saman, Bah PT Sawkmie, Dr Mukul Sangma, Bah Geroge B Lyngdoh, Bah Nominin bad u Saleng A Sangma bad u Adelbert Nongrum.
