New Delhi, Risaw 04: Hadien ka jingkyntu jong u Myntri Rangbah Duh u Narendra Modi, ki briew jong ka Delhi ki la kot sha ka rekod kaba thymmai ha ka jingthiedia ki tiar Khadi and Village Industries. Ha ka Gandhi Jayanti, ka KhadiBhawan ha Connaught Place kaba don ha New Delhi ka la shem ia ka jingdie ba bun tam ia ki tiar Khadi and Village Industries kaba kot sha ka T.1,52,45,000.
U Manoj Kumar, Chairman, Khadi and Village Industries Commission (KVIC), ka tnat Micro, Small and Medium Enterprise u la ong ba kane ka jingdie ia ki tiar Khadi ha ka Gandhi Jayanti ka dei namar ka ‘Bor’ jong u “Myntri Rangbah Duh u Narendra Modi bad ka jingieid ki briew ia u”.
U Manoj Kumar u la ong ba ha ka prokram ‘Mann Ki Baat’ ha ka 24 tarik u Nailur 2023, u Myntri Rangbah Duh u la kyntu ia ki briew jong ka ri ba kin wan thied ia ki tiar Khadi ha ka Gandhi Jayanti. Ki briew ki la pdiang bha ia kane ka jingkyntu.
Ka dei namar ka jingkyntu jong u ba man ka snem, la don ka rekod kaba thymmai ha ka jingdie ia ki tiar Khadi and Village Industries ha ka Gandhi Jayanti, kaba pyni ba ki briew ki don ka jingiadei kaba kyrpang bad ka jain tynrai jong ka India kaba long ka Khadi.
Katkum ki jingtip shaphang ki jingdie, ha u snem mang tyngka ba la dep 2022-23, ha ka Gandhi Jayanti, ka jingdie ha KhadiBhawan ha Connaught Place, Delhi ka long T.1,33,95,000, mynta pat kane ka la kot sha ka T.1,52,45,000. Kum u nongthiedubanyngkong ha ka Gandhi Jayanti, u Chairman kaKVIC, u Manoj Kumar u la thied ia ki jainKhadi ha KhadiBhawan, Connaught Place ha ka por mynstep ha ka 2 tarik u Risaw bad u la ai jingsiew lyngba ka UPI.
U Chairman ka KVIC, u Manoj Kumar u la ong ba u Myntri Rangbah Duh u Narendra Modi u la kyntu bun sien ha ki rynsan hapoh bad shabar ri ban don ka jingthied ia ki tiar Khadi.
Ha ka jingkren ha ka G20 bad ka National Handloom Day ba dang shen ha ka Bharat Mandapam, PragatiMaidan, New Delhi u la bataikumno ha kine ki 9 snem ba la dep, ka ‘Aatmanirbhar Bharat Abhiyan’ bad ‘Vocal for Local’ ki la wanrah ka jingdie ia ki tiatKhadi and Village Industries kaba tam ia ka T.1.34 lak klur.
Ha ka por jong ka G-20 Summit, ha ka prokram kaba la ong ha Rajghat ban pynkup burom ia u Bapu, u Myntri Rangbah Duh u la wanrah ka jingithuh da baroh kawei ka pyrthei ia ka Khadi da kaba pdiang burom ia ki nongialam jong ki ri da ki jainKhadi bad u la ai mynsiem ruh ia ki briew jong ka ri ba kin thied ia ki tiar Khadi. Namar kane, ha ka Gandhi Jayanti, ki briew ki la mih paidbah ban thied ia ki tiar Khadi na KhadiBhawan ha Connaught Place, Delhi.
Lada ngi peit ia ki jingshem ha kine ki lai snem ba la dep, ki jingdie ha ka Gandhi Jayanti man ka snem ki la tam ia ka T.1 klur. Hynrei kane ka dei ka sien kaba nyngkong ba ki jingdie ki la kot sha ka T.1.5 klur.
Katba ka jingdie ia ki tiar Khadi and Village Industries ka long T.1.01 klur ha u snem mang tyngka 2021-22 bad ka la kiew sha ka T.1.34 klur ha u snem 2022-23, kane ka la tam ia ka T.1.52 klur mynta u snem. Kine baroh ki pyni ba hapoh ka jingialam jong u Myntri Rangbah Duh, u Narendra Modi, ka ‘Khadi jong ka India” ka la long ka nongialam jong ka “Atmanirbhar Bharat Abhiyan” ha ka ri.
