Shillong, Rymphang 23: U Myntri rangbah ka jylla u Conrad K Sangma haba jubab ia ka jingkylli u bah Ardent Miller Basaiawmoit haba ia dei bad ka jingiakhaii benami, la ong ba haduh mynta dang ioh ia ka jingujor tang kawei haduh mynta.
Haba jubab ia ki jingkylli bynrap na ka liang jong u myntri rangbah ka jylla u la ong ka kane ka ain Benami Transaction Act 2018, kala long ain bad ka sorkar kala pynkhreh ia ki rule haba ia dei bad kane ka ain bad shen yn sa pyntreikam noh ia ka rule.
U myntri rangbah ka jylla u la ong ba ia ka jingujor lada don ha kaba ia dei bad kane ka kam Benami, dei ban ujor sha ki Magistrate jong ki District bad sha ki Superintendent ki pulit jong ki District.
Ha kane ka por jingkylli na ka liang jong u Saleng A Sangma MLA jong ka INC u la ong haba ka don ka jingkhynra da ki bor jong ka KHADC, la mih da ki kynthei riewlum ban kam ba kane ka dei ka khaii pateng jong ki.
